ஐஸ்வர்யாவின் அடுத்த படம் எப்போது? தனுஷ் தகவல்
- IndiaGlitz, [Thursday,September 22 2016]
சூப்பர் ஸ்டார் ரஜினியின் மகளும், தனுஷின் மனைவியுமான ஐஸ்வர்யா ஏற்கனவே '3' மற்றும் 'வை ராஜா வை' ஆகிய படங்கள் இயக்கியுள்ள நிலையில் விரைவில் அடுத்த படத்தை தொடங்கவுள்ளதாக செய்திகள் வெளிவந்து கொண்டிருக்கின்றது.
இந்நிலையில் சமீபத்தில் தனுஷ் அளித்த பேட்டி ஒன்றில் 'ஐஸ்வர்யாவின் அடுத்த படம் டிசம்பரில் தொடங்கலாம் என்றும் இந்த படம் பெண்களை மையப்படுத்தியதாக இருக்கும்' என்றும் கூறியுள்ளார்.
ஐஸ்வர்யா இயக்கிய முந்தைய இரண்டு படங்களில் தனுஷ் நடித்தது போல இந்த படத்திலும் நடிப்பாரா? என்பது குறித்து இன்னும் முடிவு செய்யப்படவில்லை என்று கூறப்படுகிறது. மிக விரைவில் இந்த படத்தின் அறிவிப்பு வெளிவரும்போது தனுஷ் அந்த படத்தில் நடிக்கின்றாரா? இல்லையா? என்பது தெரியவரும்.