தயவு செய்து என்னை மன்னித்துவிடுங்கள் என்றும் இனிமேல் இந்த தவறை நான் செய்ய மாட்டேன் என்றும் இதை ஒளிபரப்பாதீங்க என்றும் பிக்பாஸ் இடம் தனலட்சுமி மன்னிப்பு கேட்ட வீடியோ இணையதளங்களில் வைரலாகி வருகிறது.

கடந்த ஒரு மாதத்திற்கும் மேலாக பிக்பாஸ் நிகழ்ச்சி ஒளிபரப்பாகி வருகிறது என்பதும் இதில் போட்டியாளர்களில் ஒருவரான தனலட்சுமி கிட்டதட்ட சக போட்டியாளர்கள் அனைவரிடமும் சண்டை போட்டு விட்டார் என்பது தெரிந்ததே.

ஒருசில சண்டையில் தனலட்சுமி பக்கம் நியாயம் இருந்ததால் பிக்பாஸ் மற்றும் கமல்ஹாசனே அவருக்கு ஆதரவு அளித்தார்கள். ஆனால் சில சண்டைகளில் அவர் ஓவர் ஆக்ஷன் செய்வதாக பார்வையாளர்கள் கருத்து தெரிவித்து வருகின்றனர்.

இந்த நிலையில் பிக்பாஸ் தனலட்சுமிக்கு இன்விசிபிள் என்ற டாஸ்க்கை பிக்பாஸ் கொடுக்கிறார். இதனால் ஆத்திரமடைந்த தனலட்சுமி உடனே பெட்டி படுக்கைகளை எடுத்துக்கொண்டு நான் வெளியே போகிறேன் என்று கூறியது பரபரப்பை ஏற்படுத்தி உள்ளது.

இதனை அடுத்து அவர் தனது தவறை புரிந்து கொண்டு தனியாக கேமரா முன் பிக்பாஸிடம் மன்னிப்பு கேட்கிறார். நான் வீட்டில் இருக்கும் போது என் அம்மா ஏதாவது கூறினால் உடனே வீட்டை விட்டு வெளியே போவேன் என்று கோபத்தில் கூறுவது எனக்கு வழக்கமான ஒன்று. அந்த வழக்கத்தில் நான் இங்கேயும் அது மாதிரி வெளியே போகிறேன் என்று கூறிவிட்டேன். நான் அவ்வாறு கூறியிருக்க கூடாது.

எனவே தயவு செய்து என்னை மன்னித்துவிடுங்கள். இனிமேல் இதுபோன்று நான் சத்தியமாக பேசமாட்டேன். நீங்கள் கொடுக்கும் டாஸ்க்கை ஒழுங்காக செய்வேன், ஒழுங்காக நடந்து கொள்வேன் . இந்த ஒரு காரணத்திற்காக என்னை வெளியே அனுப்பி விடாதீர்கள்.

ஒருவேளை மக்கள் எனக்கு ஓட்டு போடாமல் வெளியே அனுப்பினார்கள் என்றால் அது ஓகே. ஆனால் நீங்கள் இந்த காரணத்திற்காக என்னை வெளியே அனுப்பி விடாதீர்கள். அதேபோல் இதை தயவு செய்து ஒளிபரப்பாதீங்க.. என்று கூறியுள்ளார். தனலட்சுமி ஒளிபரப்பாதீங்க.. என்று சொல்லியும் இந்த காட்சி ஒளிபரப்பாகிவிட்டதை அடுத்து இந்த வீடியோ வைரலாகி வருகிறது.

to #Dhanalakshmi fans ?????????? #BiggBossTamil6 #biggboss pic.twitter.com/evzLR61mFo

— Jᴀᴄᴋɪᴇ (@Mikah_Amyy17) November 11, 2022

Dhanalakshmi asks sorry to Bigg Boss (2/2)#BiggBossTamil6 pic.twitter.com/1b9xTerfqm

— Bigg Boss Videos & Updates (@BBFollower7) November 11, 2022