தனஞ்செயன் தயாரிக்கும் முதல் படத்தின் ஃபர்ஸ்ட்லுக்
- IndiaGlitz, [Saturday,January 16 2016]
யூடிவி நிறுவனத்தின் தென்னிந்திய பொறுப்பாளராக இருந்த தனஞ்செயன் தற்போது புதிய பட நிறுவனம் ஒன்றை தொடங்கி அதன் மூலம் தயாரிக்கவுள்ள முதல் படத்தை அறிவித்துள்ளார். அவர் தொடங்கியுள்ள நிறுவனத்தின் பெயர் 'புளூ ஓஷன் எண்டர்டெயின்மெண்ட்', இந்த நிறுவனத்தின் மூலம் அவர் தயாரிக்கும் முதல் படத்தின் பெயர் 'ஜீரோ'
நேற்று பொங்கல் தினத்தை முன்னிட்டு தன்னுடைய படத்தயாரிப்பு நிறுவனத்தின் பெயர் மற்றும் முதல் படத்தின் பெயரை வெளியிட்டதோடு இந்த படத்தின் ஃபர்ஸ்ட் லுக்கையும் அவர் இணையதளத்தில் வெளியிட்டுள்ளார்.
கோலிவுட் திரையுலகில் பல ஆண்டுகளாக அனைவரும் மதிக்கத்தக்க வகையில் இருந்து வரும் தனஞ்செயனின் புதிய நிறுவனத்திற்கு நடிகை குஷ்பு உள்பட ஏராளமான பிரபலங்கள் வாழ்த்து தெரிவித்துள்ளனர். ஜீரோ' படம் குறித்த மற்ற விபரங்கள் விரைவில் அறிவிக்கப்படும் என தெரிகிறது.