మన దేశానికి తొలిసారి క్రికెట్ ప్రపంచ కప్పును అందించింది కపిల్‌దేవ్. ఈయన నాయకత్వంలో 1983లో ఎలాంటి అంచనాలు లేని భారత జట్టు విశ్వవిజేతగా నిలిచింది. కాగా ఇప్పుడు కపిల్ బయోపిక్‌ను తెరకెక్కించనున్నారు. `ఏక్‌థా టైగర్` ఫేమ్ కబీర్ ఖాన్ ఈ చిత్రాన్ని డైరెక్ట్ చేస్తున్నారు. మరి కపిల్ డెవిల్స్‌గా ఎవరు కనపడతారనేది ఆసక్తికరంగా మారింది.

కపిల్ దేవ్ పాత్రలో బాలీవుడ్ నటుడు రణవీర్ సింగ్ నటిస్తుండగా.. ఓపెనర్‌ కృష్ణమాచారి శ్రీకాంత్ పాత్రలో త‌మిళ న‌టుడు జీవా న‌టించ‌నున్నారు. రిల‌య‌న్స్ ఎంట‌ర్‌టైన్‌మెంట్స్‌, ఫాంట‌మ్ ఫిలింస్‌, విబ్రి మీడియా బ్యాన‌ర్స్‌పై ఈ సినిమా తెర‌కెక్కుతోంది. ఈ సినిమా ప్రీ ప్రొడ‌క్ష‌న్ ద‌శ‌లో ఉండ‌గానే రిలీజ్ డేట్‌ను అనౌన్స్ చేసేయ‌డం విశేషం. ఏప్రిల్ 10 2020లో సినిమాను విడుద‌ల చేయ‌బోతున్న‌ట్లు ప్ర‌క‌టించారు. 83 టీం స‌భ్యులుగా న‌టించ‌బోయే న‌టీన‌టుల గురించి త్వ‌ర‌లోనే వివ‌రాలు ప్ర‌క‌టిస్తార‌ట‌.