యు.ఎస్‌.లో తెలుగు సినిమాలు మిలియ‌న్ డాల‌ర్ల క్ల‌బ్‌లో చేర‌డం ఇటీవ‌ల కాలంలో సాధార‌ణ విష‌య‌మైపోయింది. అయితే.. ఈ ట్రెండ్‌కు శ్రీ‌కారం చుట్టింది మాత్రం దూకుడు చిత్ర‌మే. మ‌హేష్ బాబు, స‌మంత జంట‌గా న‌టించిన ఈ సినిమా త‌రువాత.. గ‌డిచిన ఆరున్న‌రేళ్ళుగా 40 చిత్రాల వ‌ర‌కు ఈ లిస్ట్‌లో చేరిపోయాయి.

ఈ లిస్ట్‌లో ఎక్కువ చిత్రాలు ఉన్న క‌థానాయ‌కుడిగా మ‌హేష్ బాబుకి ప్ర‌త్యేక స్థానం ఉంది. ఇప్ప‌టివ‌ర‌కు ఆయ‌న న‌టించిన 8 సినిమాలు (తాజా చిత్రం భ‌ర‌త్ అనే నేనుతో క‌లుపుకుని) ఈ క్ల‌బ్‌లో ఉన్నాయి. ఇక స‌మంత విష‌యానికి వ‌స్తే.. తెలుగు, త‌మిళ భాష‌ల్లో క‌లుపుకుని 13 చిత్రాలు ఈ లిస్ట్‌లో ఉన్నాయి.

అయితే.. ఈ ఇద్ద‌రి కంటే ఎక్కువ మిలియ‌న్ డాల‌ర్ల సినిమాలు ఉంది మాత్రం.. యువ సంగీత ద‌ర్శ‌కుడు దేవిశ్రీ ప్ర‌సాద్‌కే. ఇప్ప‌టివ‌ర‌కు ఆయ‌న సంగీతంలో రూపొందిన 15 చిత్రాలు ఈ జాబితాలోకి చేరిపోయాయి. ఏదీఏమైనా.. హీరోల్లో మ‌హేష్ బాబు.. హీరోయిన్స్‌లో స‌మంత‌.. సంగీత ద‌ర్శ‌కుల్లో దేవిశ్రీ ప్ర‌సాద్‌.. ఈ క్ల‌బ్‌లో ఎక్కువ చిత్రాల‌తో టాప్ ప్లేస్‌లో ఉన్నార‌న్న‌మాట‌.