నిజంగా అదృష్టంగా భావిస్తున్నా - దేవిశ్రీప్ర‌సాద్
- IndiaGlitz, [Thursday,April 07 2016]
త‌న‌దైన శైలిలో సంగీతం అందిస్తూ..త‌న‌కంటూ ఓ క్రేజ్ ఏర్ప‌రుచుకున్న యువ సంగీత సంచ‌ల‌నం దేవిశ్రీప్ర‌సాద్. ఇంత‌కీ...దేవిశ్రీ అదృష్టంగా భావిస్తున్నా అని ఎందుకు అన్నార‌ని ఆలోచిస్తున్నారా..? మెగాస్టార్ చిరంజీవి 150వ చిత్రం త్వ‌ర‌లో ప్రారంభం కాబోతుంది. ఈ చిత్రానికి వినాయ‌క్ దర్శకుడు. రామ్ చ‌ర‌ణ్ నిర్మాత. అయితే ఈ చిత్రానికి సంగీత దర్శకుడు దేవిశ్రీప్ర‌సాద్. అలాగే బాల‌య్య 100వ చిత్రాన్ని క్రిష్ తెర‌కెక్కిస్తున్నారు. ఈ సినిమాకి కూడా దేవిశ్రీప్ర‌సాదే సంగీతం అందిస్తుండ‌డం విశేషం.
ఈ విష‌యం పై దేవిశ్రీ స్పందిస్తూ...తెలుగు సినిమా ప‌రిశ్ర‌మ‌కు మూల స్థంభాల్లాంటి అగ్ర‌హీరోలు చిరంజీవి, బాల‌కృష్ణ కెరీర్ లో మైలురాయి చిత్రాల్లో నాకు అవ‌కాశం రావ‌డం నిజంగా అదృష్టంగా భావిస్తున్నాను అన్నారు. నిజ‌మే..దేవిశ్రీప్ర‌సాద్ అదృష్ట‌వంతుడు.