దేవిశ్రీ ప్ర‌సాద్‌.. ప్ర‌స్తుతం టాలీవుడ్‌లో నంబ‌ర్ వ‌న్ మ్యూజిక్ డైరెక్ట‌ర్‌.  అగ్ర క‌థానాయ‌కులు, అగ్ర ద‌ర్శ‌కులు, అగ్ర నిర్మాణ సంస్థ‌లకు మోస్ట్ వాంటెడ్ మ్యూజిక్ డైరెక్ట‌ర్‌గా మారిపోయిన దేవిశ్రీ‌.. గ‌తేడాది 8 సినిమాల‌తో సంద‌డి చేసి వార్త‌ల్లో నిలిచారు. ఇదిలా ఉంటే.. కేవ‌లం నాలుగు నెల‌ల గ్యాప్‌లో   త‌న ఖాతాలో హ్యాట్రిక్ బ్లాక్‌బ‌స్ట‌ర్ హిట్స్‌ను న‌మోదు చేసుకున్నారు ఈ యువ సంగీత సంచ‌ల‌నం. కాస్త వివ‌రాల్లోకి వెళితే.. గ‌తేడాది క్రిస్మ‌స్ కానుక‌గా విడుద‌లైన ఎంసీఏతో ఘ‌న‌విజ‌యాన్ని న‌మోదు చేసుకున్న దేవిశ్రీ‌..

గ‌త నెల‌లో విడుద‌లైన రంగ‌స్థ‌లంతో మ‌రో బ్లాక్‌బ‌స్ట‌ర్ సొంతం చేసుకున్నారు. ఇక శుక్ర‌వారం విడుద‌లైన భ‌ర‌త్ అనే నేనుతోనూ ఆ ప‌రంపర‌ని కొన‌సాగిస్తున్నారు. తొలి రోజు నుంచే ఈ సినిమాకి బ్లాక్‌బ‌స్ట‌ర్ టాక్‌ రావ‌డంతో.. వ‌రుస‌గా మూడు సినిమాల‌తో హ్యాట్రిక్ బ్లాక్‌బ‌స్ట‌ర్ హిట్స్ సొంతం చేసుకున్న‌ట్ల‌య్యింది.  ప్ర‌స్తుతం.. రామ్ చ‌ర‌ణ్‌ - బోయ‌పాటి శ్రీ‌ను, మ‌హేష్ బాబు - వంశీ పైడిప‌ల్లి, రామ్ 'హ‌లో గురు ప్రేమ కోస‌మే' చిత్రాల‌తో దేవిశ్రీ ప్ర‌సాద్ బిజీగా ఉన్నారు.