'ദേവര' ഇനി രണ്ടു ഭാഗങ്ങളില്‍; 2024 ഏപ്രില്‍ 5-ന് ഒന്നാം ഭാഗം പുറത്ത്
- IndiaGlitz, [Thursday,October 05 2023]
ജൂനിയര്‍ എന്‍ടിആറിൻ്റെ ബ്രഹ്മാണ്ഡ ചിത്രങ്ങളില്‍ ഒന്നായ 'ദേവര' രണ്ടു ഭാഗങ്ങളിലായാണ് പുറത്തു വരുന്നത് എന്നാണ് പുതിയ വാര്‍ത്തകള്‍. പാന്‍ ഇന്ത്യന്‍ ചിത്രമായി ഒരുങ്ങുന്ന ദേവരയുടെ ഒന്നാം ഭാഗം 2024 ഏപ്രില്‍ 5-ന് പുറത്തിറങ്ങും. അതേസമയം രണ്ടാം ഭാഗത്തിൻ്റെ റിലീസ് എപ്പോള്‍ ആയിരിക്കും എന്നതിനെക്കുറിച്ച് സൂചനകളൊന്നും അണിയറ പ്രവര്‍ത്തകര്‍ നല്‍കിയിട്ടില്ല. ചിത്രത്തില്‍ ബോളിവുഡ് താരം സൈഫ് അലി ഖാനും ഒരു പ്രധാന വേഷത്തില്‍ എത്തുന്നുണ്ട്.
യുവസുധ ആർട്ട്‌സും എന്‍.ടി.ആര്‍ ആര്‍ട്സും ചേർന്ന് നിർമിക്കുന്ന ഈ പാന്‍ ഇന്ത്യന്‍ ചിത്രം നന്ദമുരി കല്യാണ്‍ റാം ആണ് അവതരിപ്പിക്കുന്നത്. സംഗീത സംവിധായകനായി അനിരുദ്ധ്, ഛായാഗ്രാഹകനായി രത്നവേലു ഐ.എസ്.സി, പ്രൊഡക്ഷന്‍ ഡിസൈനറായി സാബു സിറിള്‍, എഡിറ്ററായി ശ്രീകര്‍ പ്രസാദ് തുടങ്ങി ഇന്ത്യന്‍ സിനിമയിലെ പ്രമുഖരാണ് ചിത്രത്തിലെ മുന്നണിയിലും പിന്നണിയിലും ഉള്ളത്. ചിത്രത്തിലെ നായികയായ ജാഹ്നവി കപൂറിൻ്റെ ആദ്യ തെലുഗു ചിത്രം കൂടിയാണ് ദേവര.