'அரிமா நம்பி' இயக்குனர் ஆனந்த் சங்கர் இயக்கத்தில் உருவாகி வரும் 'இருமுகன்' திரைப்படத்தில் முதல்முறையாக விக்ரம் இருவேடங்களில் நடித்து வருகிறார் என்பது அனைவரும் அறிந்ததே. இந்நிலையில் அவர் இந்த படத்தில் முதன்முதலாக திருநங்கை கேரக்டரில் நடிக்கின்றார் என்ற தகவல் தற்போது வெளிவந்துள்ளது.

'இருமுகன்' படத்தில் விக்ரமின் இரு வேடங்களில் ஒன்று சீக்ரெட் ஏஜண்ட் ஆகவும், இன்னொரு வேடம் திருநங்கை வேடம் என்று செய்திகள் வெளிவந்துள்ளது. விக்ரம் எந்த கேரக்டரை ஏற்றுக்கொண்டாலும் அந்த கேரக்டராகவே மாறி விடும் தன்மை உடையவர் என்பதால் இந்த கேரக்டரில் அவருடைய நடிப்பை அறிய அனைவரும் ஆவலுடன் உள்ளனர்.

விக்ரம் ஜோடியாக நயன்தாரா, நித்யாமேனன் நடித்து வருகின்றனர். சிபுதமீன்ஸ் தயாரித்து வரும் இந்த படத்திற்கு ஹாரீஸ் ஜெயராஜ் இசையமைத்து வருகிறார். சயின்ஸ் பிக்ஷன் படமான இந்த படம் இவ்வருடத்தின் எதிர்பார்ப்புக்குள்ள படங்களில் ஒன்றாக இருந்து வருகிறது.