பிக்பாஸ் நிகழ்ச்சியை நேற்று பார்த்தவர்களுக்கு ராஜூ கேட்ட ஒரு கேள்வி பெரும் அதிர்ச்சியாக இருந்திருக்கும். அப்படி என்ன கேள்வி கேட்டார் என்பது தெரியுமா? நேரடியாக அபினவ்விடம் ’பாவனியை நீங்க லவ் பண்ணுகிறீர்களா? என்று கேட்டது அபினவ் மட்டுமின்றி பார்வையாளர்களுக்கும் கடும் அதிர்ச்சியை ஏற்படுத்தி உள்ளது.

ஏற்கனவே திருமணமாகி குழந்தைகளுடன் இருக்கும் அபினவ்வை பார்த்து ராஜூ இப்படி ஒரு கேள்வி கேட்டதால் பிரியங்கா, நிரூப் ஆகியோர் ‘இது தவறு’ என ராஜூவை கண்டிக்கின்றனர். ஆனால் அதே நேரத்தில் இன்று கண்டிக்கும் பிரியங்கா ஏற்கனவே இதே விஷயத்தை அபிஷேக்கிடமும் நிரூபிடமும் பேசியுள்ளார் என்பது குறிப்பிடத்தக்கது. ஆனால் இன்று அவர் நல்லவர் போல் ராஜுவை கண்டிப்பது எந்த வகையில் நியாயம் என்ற கேள்வி எழுகிறது.

அதேபோல் நேற்று அபிநவ் இடம் விளக்கம் கேட்கும் பாவனி, ‘உங்களிடம் அது மாதிரி எந்த எண்ணமும் இல்லை என்று நான் நம்புகிறேன்’ என்று கூறினார். ஆனால் அதே பாவனி தான் கடந்த சில நாட்களுக்கு முன்னர் மதுமிதாவிடம் அபினவ் தன்னிடம் நடந்து கொள்ளும் விதம் குறித்தும் அவரது அணுகுமுறை குறித்தும் சில விஷயங்களை கூறியுள்ளார். அதுமட்டுமின்றி அபிஷேக்கிடம் சத்தியம் வாங்கிக்கொண்டு அவரிடமும் இதுகுறித்து பேசியுள்ளார் என்பதும், சத்தியத்தை காப்பாற்றாமல் அதை பிரியங்காவிடம் அபிஷேக் பகிர்ந்துள்ளார் என்பது குறிப்பிடத்தக்கது.

இறுதியில் இவ்வாறு நேரடியாக ராஜூ, அபினவ் இடம் கேட்டது சரிதான் என்றும் மனதில் ஒன்று வைத்துக்கொண்டு மற்றவர்களை போல் புறமாக பேசாமல் நேரடியாக கேட்ட அவருடைய நேர்மை எனக்கு பிடித்திருக்கிறது என்றும் பாவனி கூறியுள்ளார்.

மொத்தத்தில அபினவ், பாவனி இடையே என்ன நடக்கிறது என்பதை கீழே உள்ள குறும்படம் அல்ல பெரும்படத்தை பார்த்தால் உங்களுக்கு முழுவதுமாக புரியும்.