తమిళ్ రాకర్స్కు ఢిల్లీ హై కోర్ట్ షాక్
- IndiaGlitz, [Tuesday,August 13 2019]
తమిళ చిత్రసీమను పైరసీ వెబ్ సైట్ తమిళ్ రాకర్స్ చాలా పెద్ద ఇబ్బందికే గురి చేస్తూ వచ్చింది. అయితే ఎట్టకేలకు తమిళ రాకర్స్కు ఢిల్లీ హైకోర్టు షాకిచ్చింది. ఎంత పెద్ద స్టార్ సినిమా అయినా విడుదలైన కొన్నిరోజులకే వెబ్సైట్లో అప్లోడ్ చేసే ఈ పైరసీ వెబ్సైట్ను నిరోధించాలని తమిళ నిర్మాతలు తీసుకున్న చర్యలు నామమాత్రంగానే మిగిలిపోయాయి. అయితే వార్నర్ బ్రదర్స్, నెట్ఫ్లిక్స్, స్టార్ వంటి సంస్థలు తమ అనుమతి లేకుండా తమిళ్ రాకర్స్ తమ కంటెంట్ను స్ట్రీమింగ్ చేస్తున్నాడంటూ ఢిల్లీ హైకోర్టులో కేసు వేశారు. విచారణ సాగించిన ఢిల్లీ హైకోర్టు తమిళ్ రాక్స్ సహా వాటి అనుబంధ వెబ్ సైట్స్ను బ్లాక్ చేయాలని టెలికాం కమ్యూనికేషన్స్ మంత్రిత్వ శాఖను ఆదేశించింది.