'காற்று வெளியிடை'யில் இணைந்த பழம்பெரும் நடிகர்
- IndiaGlitz, [Tuesday,July 12 2016]
மணிரத்னம் இயக்கத்தில் கார்த்தி நடிக்கும் 'காற்று வெளியிடை' படத்தின் படப்பிடிப்பு சமீபத்தில் தொடங்கி தற்போது விறுவிறுப்பாக நடைபெற்று வருகிறது. கார்த்திக்கு ஜோடியாக பிரபல பாலிவுட் நடிகை அதிதி ராவ் ஹைத்ரி நடிக்கின்றார் என்றும் மேலும் ஒரு முக்கிய வேடத்தில் 'யூடர்ன்' நடிகை ஷராதா ஸ்ரீநாத் இணைந்தார் என்பதையும் ஏற்கனவே பார்த்தோம். அதுமட்டுமின்றி இந்த படத்தில் காமெடி நடிகர் ஆர்ஜே பாலாஜியும் ஒரு முக்கிய கேரக்டரில் நடித்து வருகிறார்.
இந்நிலையில் தற்போது மற்றொரு இணைப்பாக பிரபல காமெடி மற்றும் குணசித்திர நடிகர் டெல்லி கணேஷ் இணைந்துள்ளார். தற்போது அவர் ஊட்டியில் நடைபெற்று வரும் 'காற்று வெளியிடை' படப்பிடிப்பில் கலந்து கொண்டுள்ளதாக தகவல்கள் வெளிவந்தூள்ளது.
மெட்ராஸ் டாக்கீஸ் நிறுவனத்தின் தயாரிப்பில் ஏ.ஆர்.ரஹ்மான் இசையில் வைரமுத்துவின் வைர வரிகளில் உருவாகி வரும் இந்த படம் பெரும் எதிர்பார்ப்பை ஏற்படுத்தி வருகிறது என்பது குறிப்பிடத்தக்கது.