బాలీవుడ్ హీరో ర‌ణ‌వీర్ సింగ్‌, హీరోయిన్ దీపికా ప‌దుకొనెలు గత ఏడాది న‌వంబ‌ర్‌లో వివాహం చేసుకున్న సంగ‌తి తెలిసిందే. పెళ్లికి ముందు వీరిద్ద‌రూ క‌లిసి సినిమాల్లో న‌టించారు.

పెళ్లి తర్వాత ఇద్ద‌రూ క‌లిసి చేయ‌బోయే సినిమాకు రంగం సిద్ధం అవుతోంది. 1983 వ‌ర‌ల్డ్‌క‌ప్ సాధించిన భార‌త క్రికెట్ జ‌ట్టులో క‌పిల్ దేవ్ అండ్ టీం.. ఆ క‌ప్ సాధ‌న‌లో చేసిన ప్ర‌యాణం ఆధారంగా ఓ బ‌యోపిక్‌ను రూపొందించ‌బోతున్నారు.

దానికి రంగం సిద్ధ‌మ‌వుతోంది.. అందులో భాగంగా ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. తాజా స‌మాచారం ప్రకారం ఈ చిత్రంలో క‌పిల్ దేవ్ పాత్ర‌లో ర‌ణ‌వీర్ సింగ్ న‌టిస్తున్నారు.

కాగా ఆయ‌న స‌తీమ‌ణి రోమీ భాటియా పాత్ర‌లో దీపికా ప‌దుకొనెను న‌టింప చేసే ఆలోచ‌న‌లో నిర్మాత‌లు సంప్ర‌దింపులు జ‌రుపుతున్నార‌ట‌. అంతా ఓకే అయితే పెళ్లి త‌ర్వాత ర‌ణ‌వీర్ సింగ్‌, దీపికా ప‌దుకొనె క‌లిసి న‌టించ‌బోయే చిత్ర‌మిదే అవుతుంది.