நடிகை தீபிகா படுகோன் வீட்டிற்கு வந்த தேவதை.. குவியும் வாழ்த்துக்கள்..!
- IndiaGlitz, [Sunday,September 08 2024]
நடிகை தீபிகா படுகோன் கடந்த சில நாட்களுக்கு முன்பு நிறைமாத கர்ப்பிணியாக இருந்த நிலையில் அவருக்கு இன்று பெண் குழந்தை பிறந்துள்ளதாக அறிவிக்கப்பட்டுள்ளது. தீபிகா படுகோன் வீட்டிற்கு வந்த தேவதைக்கு ரசிகர்கள் மற்றும் திரையுலகினர் வாழ்த்துக்களை தெரிவித்து வருகின்றனர்.
பிரபல பாலிவுட் நடிகர் ரன்வீர் சிங் மற்றும் தீபிகா படுகோன் திருமணம் கடந்த 2018 ஆம் ஆண்டு நடந்த நிலையில் கடந்த சில மாதங்களுக்கு முன் தீபிகா கர்ப்பமானதாக தெரிவித்தார். அவ்வப்போது தீபிகா படுகோன் தனது இன்ஸ்டாகிராம் பக்கத்தில் கர்ப்பிணியான புகைப்படங்களை பதிவு செய்து வந்த நிலையில் சில நாட்களுக்கு முன்பு நிறைமாத கர்ப்பிணி போட்டோஷூட் புகைப்படங்களை பதிவு செய்தார்.
இந்த நிலையில் நேற்று தீபிகா படுகோனுக்கு பிரசவ வலி வந்ததை அடுத்து மும்பையில் உள்ள தனியார் மருத்துவமனையில் அனுமதிக்கப்பட்டதாக கூறப்பட்டது. இதை அடுத்து சற்றுமுன் அவருக்கு பெண் குழந்தை பிறந்துள்ளதை அடுத்து இந்த தகவலை அவர் தனது இன்ஸ்டாகிராம் பக்கத்தில் மகிழ்ச்சியுடன் தெரிவித்துள்ளார்.
தீபிகா படுகோனின் இந்த பதிவிற்கு பூஜா ஹெக்டே, சமந்தா, அபிராமி வெங்கடாசலம், பிந்து மாதவி, ரித்திகா, ராதிகா சரத்குமார், அஞ்சலி, மஞ்சு வாரியர், மஞ்சிமா மோகன், பாடகி ஜொனிதா, கீர்த்தி சுரேஷ், தமன்னா உள்ளிட்ட பல நடிகைகள் வாழ்த்துக்களை தெரிவித்துள்ளனர்.