'விவாகரத்து இல்லாமல் சந்தோஷமான வாழ்க்கை.. தீபிகா படுகோனே கொடுத்த டிப்ஸ்..!
- IndiaGlitz, [Tuesday,August 08 2023]
பிரபல பாலிவுட் நடிகை தீபிகா படுகோனே தனது கணவர் ரன்வீர் சிங்கை விவாகரத்து செய்யப் போவதாக சமூக வலைத்தளங்களில் வதந்திகள் பரவி வரும் நிலையில் அந்த வதந்திக்கு முற்றுப்புள்ளி வைக்கும் வகையில் தனது சமூக வலைதளத்தில் ஒரு பதிவை செய்துள்ளார்.
பிரபல பாலிவுட் நடிகை தீபிகா படுகோனே நடிகர் ரன்வீர் சிங்கை காதலித்து கடந்த 2018 ஆம் ஆண்டு திருமணம் செய்து கொண்டார். இதனை அடுத்து தீபிகா படுகோனே பிற நடிகர்களுடன் நெருக்கமான காட்சிகளில் நடிப்பது அவரது கணவருக்கும் அவருக்கும் கருத்து வேறுபாடு ஏற்பட்டதாகவும் கூறப்பட்டது. அதுமட்டுமின்றி ஒரு நிகழ்ச்சியில் ரன்வீர் கையை பிடிக்காமல் தீபிகா படுகோனே உதறி விட்டு சென்ற வீடியோவும் வைரலானது.
இந்த நிலையில் தீபிகா தனது கணவரை விவாகரத்து செய்ய போகிறார் என்று வதந்தி பரவி கொண்டிருக்கும் நிலையில் அவர் தனது சமூக வலைதளத்தில் ஒரு பதிவை செய்துள்ளார்.
அதில் ’உங்களை எல்லாவிதத்திலும் சிரிக்க வைக்கக்கூடிய, வாழ்க்கையை அழகாக்க கூடிய உங்கள் நண்பரை காதலித்து திருமணம் செய்து கொள்ளுங்கள். அப்போதுதான் உங்கள் வாழ்க்கை நானும் ரன்வீர் சிங்கும் வாழ்வது போல் மகிழ்ச்சியாக இருக்கும் என்று குறிப்பிட்டுள்ளார். இந்த பதிவின் மூலம் அவர் விவாகரத்து வதந்திக்கு முற்றுப்புள்ளி வைத்துள்ளார் என்பது குறிப்பிடத்தக்கது.