பேட்மிண்டன் வீராங்கனை சாய்னா நேவல் கேரக்டரில் பிரபல நடிகை
- IndiaGlitz, [Thursday,September 01 2016]
சமீபத்தில் நடைபெற்று முடிந்த ஒலிம்பிக் போட்டியில் பேட்மிண்டன் பிரிவில் வெள்ளி பதக்கம் வென்றவர் பி.வி.சிந்து என்பது அனைவரும் அறிந்ததே. இதே போல் கடந்த 2012ஆம் ஆண்டு ஒலிம்பிக் போட்டியில் பேட்மிண்டன் பிரிவில் வெண்கல பதக்கம் பெற்றவர் சாய்னா நேவல்
இவர் சமீபத்தில் காயம் காரணமாக எந்த போட்டியிலும் பங்கு பெறாமல் ஓய்வு எடுத்து வருகிறார். ஆனால் மீண்டும் மிக விரைவில் களமிறங்க காத்திருக்கின்றார் என்பது குறிப்பிடத்தக்கது.
இந்நிலையில் சாய்னாநேவல் வாழ்க்கை வரலாறு திரைப்படமாக உள்ளதாகவும், சாய்னா நேவல் கேரக்டரில் நடிக்க பிரபல பாலிவுட் நடிகை தீபிகா படுகோனேவுடன் பேச்சுவார்த்தை நடந்துவருவதாகவும் கூறப்படுகிறது. பிரபல குத்துச்சண்டை வீராங்கனை மேரிகோம் வாழ்க்கை வரலாற்று படத்தில் ப்ரியங்கா சோப்ரா நடித்த நிலையில் தற்போது சாய்னா நேவல் வாழ்க்கை வரலாறு படத்தில் தீபிகா படுகோனே நடிக்கவுள்ளதாக வந்த செய்தி பாலிவுட் ரசிகர்களை உற்சாகமாக்கியுள்ளது.