கர்ப்பமாக இருக்கும் போது இப்படியா ஒர்க்அவுட் செய்வது? நடிகைக்கு ரசிகர்கள் அட்வைஸ்..!
- IndiaGlitz, [Thursday,July 04 2024]
பிரபல நடிகை தற்போது கர்ப்பமாக இருக்கும் நிலையில் அவர் ஒர்க்அவுட் செய்யும் புகைப்படத்தை பார்த்து ரசிகர்கள் அதிர்ச்சி அடைந்து கர்ப்பமாக இருக்கும் பெண் இப்படியா ஒர்க் அவுட் செய்வது என அட்வைஸ் கூறி வருகின்றனர்.
பிரபல பாலிவுட் நடிகை தீபிகா படுகோன் சமீபத்தில் கர்ப்பமாக இருப்பதாக அறிவித்த நிலையில் அவர் சற்று முன் தனது இன்ஸ்டாகிராம் பக்கத்தில் தலைகீழாக இருக்கும் புகைப்படத்தை வெளியிட்டுள்ளார். அதில் அவரது கால் சுவரில் வைத்திருப்பதையும் அவர் தரையில் படுத்து இருப்பதையும் பார்க்க முடிகிறது.
இந்த யோகா பெண்களுக்கு ஏற்படும் தசைகள், மூட்டுகள், கணுக்கால் மற்றும் பாதங்களில் உள்ள வலியை போக்க உதவும் என்றும் கீழ் முதுகில் அழுத்தத்தை குறைக்கவும் சோர்வு உணர்வுகளை போக்க உதவும் என்றும் தீபிகா இந்த பதிவில் தெரிவித்துள்ளார்.
நான் ஒரு நல்ல உடற்பயிற்சியை விரும்புகிறேன், அழகாக இருப்பதற்காக மட்டும் அல்ல, ஆரோக்கியமாக இருப்பதற்காகவும் என்று கூறிய தீபிகா, உடற்பயிற்சியில் ஈடுபட முடியாத போது இந்த எளிய ஐந்து நிமிட யோகாவை செய்கிறேன், உடற்பயிற்சி செய்தாலும் சரி, யோகா செய்தாலும் சரி, மிகவும் பயனுள்ளதாக இருக்கும்’ என்று கூறியுள்ளார்.
இந்த புகைப்படத்திற்கு பல ரசிகர்கள் பாராட்டு தெரிவித்தாலும் சில ரசிகர்கள் கர்ப்பமான நேரத்தில் இப்படி உடற்பயிற்சி செய்ய வேண்டாம் என்று அறிவுறுத்தி வருகின்றனர். தீபிகா படுகோன் இந்த புகைப்படத்தை பதிவு செய்து சில மணி நேரங்களே ஆகி உள்ள நிலையில் 8 லட்சத்திற்கும் அதிகமான லைக்ஸ் கிடைத்துள்ளது என்பது குறிப்பிடத்தக்கது