'కిక్ 2'లో దీపికా ప‌దుకొనె
- IndiaGlitz, [Wednesday,May 08 2019]
బాలీవుడ్ కండ‌ల వీరుడు సల్మాన్ఖాన్, దీపికా ప‌దుకొనె కాంబినేష‌న్‌లో ఇప్ప‌టి వరకు సినిమానే రాలేదు. అదేంటి స్టార్ హీరోయిన్స్ అంద‌రితో సల్మాన్ఖాన్ ఆడిపాడాడు క‌దా! మ‌రి ఇప్ప‌టి వరకు దీపిక‌తో సల్మాన్ ఖాన్ సినిమా చేయ‌క‌పోవ‌డ‌మేంటి? అనే సందేహం రావ‌చ్చు. సల్మాన్, దీపిక జంట‌గా సినిమాను తెర‌కెక్కించే ప్ర‌య‌త్నాలు చాలానే జ‌రిగాయి.
కిక్ సినిమాలో దీపిక ప‌దుకొనెనే హీరోయిన్ అని అనుకున్నారు. కానీ చివ‌రి నిమిషంలో జాక్వెలైన్ వ‌చ్చి చేరింది. అలాగే 'సుల్తాన్‌'లోకూడా దీపిక‌నే హీరోయిన్‌గా నిర్ణ‌యించుకున్నారు. కానీ అనుష్క శ‌ర్మ న‌టించింది. ఇప్పుడు 'కిక్' సీక్వెల్ 'కిక్2'లో స‌ల్మాన్‌తో దీపికను న‌టింప చేయాల‌ని సాజిద్ న‌డియ‌డ్‌వాలా భావిస్తున్నారు.
'కిక్2'లో సల్మాన్ పాత్ర‌కు ధీటుగా ఢీ అంటే ఢీ అనే రేంజ్‌లో హీరోయిన్ పాత్ర‌ను సాజిద్ డిజైన్ చేస్తున్నాట్ట. ఇందులో దీపికను న‌టింప చేయాల‌ని సాజిద్ కంక‌ణం క‌ట్టుకున్నాడు. మ‌రి దీపికా ప‌దుకొనె ఈ సారైనా స‌ల్మాన్‌భాయ్‌తో న‌టిస్తుందో లేదో చూడాలి.