‘ప్రభాస్ 21’పై మండిపడిన దీపిక పదుకొణె..
- IndiaGlitz, [Monday,July 20 2020]
వైజయంతి మూవీస్ బ్యానర్‌పై సి.అశ్వనీదత్ నిర్మాణంలో యంగ్ రెబల్ స్టార్ ప్రభాస్ 21వ సినిమా రూపొందనున్న విషయం తెలిసిందే. నాగ్ అశ్విన్ ఈ చిత్రానికి దర్శకత్వం వహించనున్నారు. అయితే ఈ సినిమాలో ప్రభాస్ సరసన బాలీవుడ్ భామ దీపికా పదుకొణె ఓకే అయిన విషయం తెలిసిందే. ఈ సినిమాపై తాజాగా సోషల్ మీడియా వేదికగా దీపిక మండిపడింది.
దీపిక ఆగ్రహానికి కారణం సినిమా టైటిలే ‘ప్రభాస్ 21’ అన్నట్టుగా నెటిజన్లు పోస్టులు పెట్టడం. ‘‘ఈ సినిమా టైటిల్ పేరు ‘ప్రభాస్ 21’ కాదు. ఇది ప్రభాస్‌కు 21వ చిత్రం అవుతుంది అంతే.. ఇది త్రిభాషా చిత్రంగా రూపొందుతోంది. హిందీ, తమిళ్, తెలుగులో రూపొందనుంది’’ అని దీపిక వెల్లడించింది. సైంటిఫిక్ థ్రిల్లర్‌గా ఈ సినిమా తెరకెక్కనున్న ఈ సినిమా ఇప్పటికే ప్రేక్షకుల్లో మంచి క్రేజ్‌ను సంపాదించుకుంది.