దీపావళి మెగా ఫ్రేమ్ అదిరింది..!
- IndiaGlitz, [Monday,October 31 2016]
మెగాస్టార్ చిరంజీవి, మెగా బ్ర‌ద‌ర్ నాగ‌బాబు, మెగా ప‌వ‌ర్ స్టార్ రామ్ చ‌ర‌ణ్, మెగా హీరో వ‌రుణ్ తేజ్, స్టైలీష్ స్టార్ అల్లు అర్జున్, అల్లు శిరీష్, సాయిధ‌ర‌మ్ తేజ్, తేజు త‌మ్ముడు వైష్ణ‌వ్ తేజ్, నిహారిక...ఇలా మెగా హీరోలు అంద‌రూ దీపావ‌ళికి క‌లిసారు. మెగా హీరోలు క‌లిసిన ఈ మెగా స్టిల్ ను మెగా డాట‌ర్స్ సుస్మిత & నిహారిక ట్విట్ట‌ర్ ద్వారా రిలీజ్ చేసారు. ఫెస్టివ‌ల్స్ వ‌చ్చిన‌ప్పుడు మెగా ఫ్యామిలీ అంతా చిరు ఇంటికి వెళుతుంటారు. అయితే...మెగా బ్ర‌ద‌ర్ నాగ‌బాబు త‌న‌యుడు వ‌రుణ్ తేజ్ కి మిస్ట‌ర్ సినిమా షూటింగ్ లో కాలికి గాయం అవ్వ‌డంతో క‌ద‌ల‌కుండా ఇంట్లోనే ఉంటున్నాడు.
అందుచేత మెగా హీరోలు ఈసారి దీపావ‌ళికి నాగ‌బాబు ఇంటికి వెళ్లార‌ట.అప్పుడు తీసిందే ఈ మెగా ఫ్రేమ్..! ఈ మెగా ఫ్రేమ్ లో గ‌మ‌నించాల్సిన విష‌యం ఏమిటంటే....వ‌రుణ్ తేజ్ కాలికి ఉన్న క‌ట్టు పై ఐ ల‌వ్ ఆర్ సి (ఆర్ సి అంటే రామ్ చ‌ర‌ణ్) అని రాసి ఉంది. దీనిని బ‌ట్టి అర్ధం చేసుకోవ‌చ్చు రామ్ చ‌ర‌ణ్ అంటే వ‌రుణ్ తేజ్ కి ఎంత ఇష్ట‌మో..! మ‌రో విష‌యం ఏమిటంటే...ఎప్ప‌టివ‌లే ఈ మెగా ఫ్రేమ్ లో ప‌వ‌ర్ స్టార్ మిస్ అయ్యాడు. ఏది ఏమైనా...ఈ మెగా ఫ్రేమ్ అదిరింది..!