தீபாவின் திடுக் கேள்வி
- IndiaGlitz, [Saturday,May 05 2018]
முன்னாள் முதல்வர் ஜெயலலிதாவின் அண்ணன் மகள் தீபா கடந்த சில மாதங்களாக தமிழக அரசியலில் பரபரப்பை ஏற்படுத்தி வந்த நிலையில் தற்போது நீட் தேர்வு மையம் விவகாரம் குறித்து ஒரு திடுக் கேள்வியை கேட்டு அனைவரையும் ஆச்சரியப்படுத்தியுள்ளார்.
இதுகுறித்து தீபா தனது சமூக வலைத்தளத்தில் கூறியபோது, 'தேர்வு தான் தமிழ்நாட்டில் இல்லை, தேர்தலாவது தமிழ்நாட்டில் நடக்குமா இல்லை அதுவும் வட மாநிலங்களில் தான் நடக்குமா ? என்று கேள்வி எழுப்பியுள்ளார்.
நீட் தேர்வே வேண்டாம் என்று போராடிய தமிழக மாணவர்களை பழிவாங்கவே மத்திய அரசு வேண்டுமென்றே தமிழக மாணவர்கள் பலருக்கு நீட் தேர்வு மையத்தை பிற மாநிலங்களில் ஏற்பாடு செய்திருப்பதாக அரசியல் தலைவர்கள் குற்றஞ்சாட்டி வரும் நிலையில் தீபாவின் இந்த கருத்து மத்திய அரசுக்கு ஒரு சாட்டையடியாக கருதப்படுகிறது