'96' అడ్డంకులు క్లియ‌ర్‌...
- IndiaGlitz, [Thursday,April 04 2019]
త‌మిళ చిత్రం '96'ను తెలుగులో రీమేక్ చేస్తున్న సంగ‌తి తెలిసిందే. త‌మిళంలో విజ‌య్ సేతుప‌తి, త్రిష న‌టించిన ఈ చిత్రంలో తెలుగులో శ‌ర్వానంద్‌, స‌మంత న‌టిస్తున్నారు. తెలుగు ఆడియెన్స్‌కు, నెటివిటీకి త‌గిన‌ట్టు మార్పులు చేర్పులు చాలానే జ‌రిగాయి. త‌మిళంలో సినిమాను డైరెక్ట్ చేసిన ప్రేమ్‌కుమార్‌.. తెలుగులోనూ డైరెక్ట్ చేస్తున్నాడు. ప్రారంభంలో చేసిన ఫైన‌ల్ డ్రాఫ్ట్ దిల్‌రాజుకు న‌చ్చ‌లేదు.
చివ‌ర‌కు ఆయ‌న స‌ల‌హాల మేర చేసిన బౌండెడ్ స్క్రిప్ట్‌కు ఓకే చెప్ప‌డంతో సినిమా సెట్స్‌కు వెళ్ల‌డానికి సిద్ధ‌మైంది. ఈ సినిమాను ఆగ‌స్ట్‌లో విడుద‌ల చేయాల‌ని నిర్మాత దిల్‌రాజు భావిస్తున్నారు. తెలుగులో ఈ చిత్రానికి 'జాను' లేదా జాన‌కీ దేవి అనే టైటిల్ ప‌రిశీల‌న‌లోకి వ‌చ్చాయి.. అయితే యూనిట్ 'జాను' అనే టైటిల్‌కే మొగ్గు చూపిన‌ట్లు స‌మాచారం.