இசையமைப்பாளரும் நடிகருமான ஜிவி பிரகாஷ் ஒரே நேரத்தில் தற்போது சுமார் பத்து படங்களில் நடித்து வருகிறார் என்பதும் அவற்றில் ’ஐங்கரன்’, ‘ஆயிரம் ஜென்மங்கள்’, ’அடங்காதே’ ’ஜெயில்’ ஆகிய திரைப்படங்கள் ரிலீஸுக்கு தயாராக உள்ளது என்பதும் மற்ற படங்களின் படப்பிடிப்பு மற்றும் போஸ்ட் புரொடக்ஷன் பணிகள் நடைபெற்று வருகிறது என்பதும் குறிப்பிடத்தக்கது.

இந்த நிலையில் தற்போது ஜிவி பிரகாஷ் இன்னொரு திரைப்படத்தில் நடிக்க ஒப்பந்தமாகியுள்ளார். இன்னும் டைட்டில் வைக்கப்படாத இந்தப் படத்தை அகிலன் என்ற அறிமுக இயக்குனர் இயக்க உள்ளார்.

கதாநாயகனாக நடிப்பது மட்டுமின்றி இந்த படத்துக்கு இசையமைக்கிறார் ஜிவி பிரகாஷ். ராஜதுரை ஒளிப்பதிவில் சிவாநந்தீஸ்வரர் படத்தொகுப்பில், ஸ்டண்ட் மணியின் ஸ்டன்ட் இயக்கத்தில் தாமு கலை இயக்கத்தில் உருவாகும் இந்த படத்தை நவீரா சினிமாஸ் என்ற நிறுவனம் தயாரிக்கின்றது. இந்த படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது.