`పెళ్ళిచూపులు`తో స‌క్సెస్‌కొట్టి `అర్జున్‌రెడ్డి`తో తిరుగులేని క్రేజ్‌ను సొంతం చేసుకున్న కుర్ర హీరో విజ‌య్ దేవ‌రకొండ‌ను `గీత గోవిందం` స్టార్ హీరోగా మార్చేసింది. అయితే ఆ త‌ర్వాత వ‌చ్చిన తెలుగు, త‌మిళ భాషా చిత్రం `నోటా` మాత్రం విజ‌య్ స్పీడుకు బ్రేకులు వేసింది. అయితే `టాక్సీవాలా`తో హిట్ కొట్టి మ‌ళ్లీ ట్రాక్ ఎక్కేశాడు విజ‌య్‌. ఇప్పుడు డియ‌ర్ కామ్రేడ్ సినిమా చేస్తున్నాడు.

ఈ వేస‌విలో ఆ సినిమా విడుద‌ల కానుందని వార్త‌లు విన‌ప‌డ్డాయి. అయితే తాజా స‌మాచారం ప్ర‌కారం రిలీజ్ డేట్‌పై నిర్మాణ సంస్థ మైత్రీ మూవీ మేక‌ర్స్ ఓ నిర్ణ‌యానికి వ‌చ్చింద‌ట‌. మే 22న ఈ చిత్రాన్ని విడుద‌ల చేయాల‌నేదే ప్ర‌స్తుత ఆలోచ‌న‌గా క‌న‌ప‌డుతుంది. గీత గోవిందం త‌ర్వాత విజ‌య్ దేవ‌ర‌కొండ‌, ర‌ష్మిక మంద‌న్న క‌లిసి న‌టిస్తోన్న సినిమా కావ‌డంతో సినిమాపై భారీ అంచ‌నాలున్నాయి. ఈ చిత్రంలో విజ‌య్ దేవ‌ర‌కొండ స్టూడెంట్‌గా క‌నిపిస్తుంటే, ర‌ష్మిక క్రికెట‌ర్‌గా న‌టిస్తుంద‌ట‌.