சந்தானம் நடித்த ’டிடி ரிட்டர்ன்ஸ்’ என்ற திரைப்படம் கடந்த 2023 ஆம் ஆண்டு வெளியாகி நல்ல வரவேற்பை பெற்றது என்பதும் இந்த படம் உலகம் முழுவதும் 40 கோடிக்கும் அதிகமாக வசூல் செய்தது என்பது தெரிந்தது.

ஏற்கனவே ’தில்லுக்கு துட்டு’ என்ற படத்தின் இரண்டாம் பாகமாக தான் ’டிடி ரிட்டர்ன்ஸ்’ படம் வெளியான நிலையில் தற்போது ’டிடி ரிட்டன்ஸ் 2’ என்ற டைட்டிலில் ஒரு படம் உருவாக இருப்பதாக செய்திகள் வெளியாகி கொண்டிருக்கின்றன.

சந்தானம் முக்கிய வேடத்தில் நடிக்கும் இந்த படத்தில் ’கோட்’ படத்தில் நாயகிகளில் ஒருவரான மீனாட்சி சவுத்ரி நாயகியாக நடிக்க இருப்பதாகவும், இந்த படத்தின் ஆரம்பகட்ட பணிகள் தொடங்க இருப்பதாகவும் கூறப்படுகிறது.

மேலும் ’டிடி ரிட்டர்ன்ஸ்’ படத்தை இயக்கிய பிரேம் ஆனந்த், இரண்டாம் பாகத்தையும் இயக்க இருப்பதாகவும், இந்த படத்தை நடிகர் ஆர்யா தயாரிக்க இருப்பதாகவும் செய்திகள் வெளியாகிக் கொண்டிருக்கின்றன. இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.