తండ్రి కోసం అసిస్టెంట్ డైరెక్టర్ గా మారిన తనయ....
- IndiaGlitz, [Sunday,May 01 2016]
విలక్షణ నటుడు, యూనివర్సల్ హీరో కమల్ హాసన్ ఇప్పుడు టి.కె.రాజీవ్ కుమార్ దర్శకత్వంలో శభాష్ నాయుడు అనే సినిమా చేస్తున్నాడు. రాజ్ కమల్ ఫిలింస్ ఇంటర్నేషనల్, లైకా ప్రొడక్షన్స్ బ్యానర్ పై రూపొందుతోన్న ఈ సినిమాలో కమల్ రా ఏజెంట్ గా కనపడుతున్నారు.
ఈ కామెడి ఎంటర్ టైనర్ లో కమల్ బలరాం నాయుడు అనే క్యారెక్టర్ లో కనపడబోతున్నాడు. కమల్ సరసన రమ్యకృష్ణ హీరోయిన్ గా నటిస్తుండగా శృతిహాసన్ రీల్ లైఫ్ లో కూతురుగా కనపడనుంది. ఆసక్తికరమైన విషయమేమంటే ఈ చిత్రం కోసం కమల్ మరో తనయ అక్షరహాసన్ అసిస్టెంట్ డైరెక్టర్ గా వర్క్ చేయనుందట. మే 16న సినిమా రెగ్యులర్ షూటింగ్ జరుపుకోనుంది. సినిమా 80 శాతం చిత్రీకరణ అమెరికాలో జరుపుకోనుంది.