దాసరి వెర్షెస్ చరణ్..
- IndiaGlitz, [Monday,October 12 2015]
ద‌ర్శ‌క‌ర‌త్న దాసరి నారాయ‌ణ‌రావు...మెగా ప‌వ‌ర్ స్టార్ రామ్ చరణ్...వీళ్లిద్ద‌రి మ‌ధ్య గ‌తంలో కోల్డ్ వార్ జ‌రిగిన విష‌యం తెలిసిందే. తాజాగా బ్రూస్ లీ రిలీజ్ విష‌యమై దాసరి, చరణ్ ల మ‌ధ్య మ‌రోసారి కోల్డ్ వార్ జ‌రుగుతుంద‌ని చెప్ప‌వ‌చ్చు. దాసరి ఈరోజు రుద్ర‌మ‌దేవి సినిమా గురించి ప్రెస్ మీట్ పెట్టి మ‌రీ...రుద్ర‌మ‌దేవి సినిమా చాలా బాగుంది.అయితే బ్రూస్ లీ సినిమా వారం రోజులు వాయిదా వ‌స్తే రుద్ర‌మ‌దేవికి మంచి జ‌రుగుతుంది. పెద్ద సినిమాల‌కు పండ‌గ‌తో ప‌నిలేదు అంటూ బ్రూస్ లీ వాయిదా వేయ‌మ‌ని చెప్ప‌క‌నే చెప్పారు దాసరి. చిన్న నిర్మాత తుమ్మ‌ల‌ప‌ల్లి రామ స‌త్య‌నారాయ‌ణ కూడా బ్రూస్ లీ వాయిదా వేయ‌మ‌ని ఏకంగా చిరుకి లేఖ రాసారు. అయితే చరణ్ మాత్రం బ్రూస్ లీ ప్రారంభోత్స‌వం నాడే ద‌స‌రా కానుక‌గా అక్టోబ‌ర్ లో రిలీజ్ చేస్తామ‌ని ప్ర‌క‌టించామ‌ని చెప్పారు. అలాగే బ్రూస్ లీ డైరెక్ట‌ర్ శ్రీను వైట్ల, నిర్మాత దాన‌య్య కూడా ప్రెస్ మీట్ పెట్టి మ‌రీ..బ్రూస్ లీ రిలీజ్ విష‌యంలో ఎలాంటి తేడా లేదు. ఈనెల 16న బ్రూస్ లీ రిలీజ్ చేస్తున్నాం అని ప్ర‌క‌టించారు. దాసరి వాయిదా వేయ‌మంటున్నారు...చరణ్ వాయిదా వేసే ప్ర‌స‌క్తే లేదంటున్నాడు. మ‌రి... ఈ విష‌యం పై ఏం జ‌ర‌గ‌నుందో చూడాలి.