దాసరి అంత్యక్రియలు పూర్తి...
- IndiaGlitz, [Wednesday,May 31 2017]
తెలుగు సినిమా కీర్తిని గిన్నిస్‌బుక్ ఆఫ్ వ‌ర‌ల్డ్‌కు ఎక్కించిన దర్శకుడు దర్శకరత్న డా.దాసరి మంగ‌ళ‌వారం అనారోగ్యంతో క‌న్నుమూసిన సంగ‌తి తెలిసిందే. గ‌త కొంత‌కాలంగా అనారోగ్యంతో బాధ‌ప‌డుతున్న ఆయన కిమ్స్‌లో తుది శ్వాస విడిచారు. ఆయన మరణంతో తెలుగు సినిమా ప‌రిశ్ర‌మ త‌ల్ల‌డిల్లింది. బుధ‌వారం ఆయన పార్థివ దేహ‌న్ని ప‌లువురు సినీ, రాజ‌కీయ ప్ర‌ముఖులు సంద‌ర్శించి నివాళులు అర్పించారు. అనంత‌రం దాసరి భౌతిక కాయాన్ని ఫిలిం చాంబ‌ర్‌లో రెండు గంట‌ల పాటు ఉంచారు. త‌ర్వాత మెయినాబాద్‌లోని ఆయన వ్య‌వ‌సాయ క్షేత్రంలో దాసరి ప‌ద్మ స‌మాధి ప‌క్క‌నే అంత్య‌క్రియ‌ల‌ను పూర్తి చేశారు. ప్ర‌భుత్వ లాంఛ‌నాల‌తో అంత్యక్రియలు జ‌రిగాయి. భారీ సంఖ్యలో అభిమానులు, ప్ర‌ముఖులు త‌ర‌లివ‌చ్చారు.