150 సినిమాల‌కు పైగా ద‌ర్శ‌క‌త్వం వ‌హించి గిన్నిస్ బుక్ లో స్ధానం సంపాదించిన గ్రేట్ డైరెక్ట‌ర్ ద‌ర్శ‌క‌ర‌త్న దాస‌రి నారాయ‌ణ‌రావు. ఆయ‌న ఈమ‌ధ్య సినిమాలు తీయ‌డం కాస్త తగ్గించినా...సంచ‌ల‌న వ్యాఖ్య‌లు చేస్తూ ఏదో ర‌కంగా వార్త‌ల్లో ఉంటున్నారు. తాజాగా క‌ల‌ర్స్ స్వాతి న‌టించిన త్రిపుర ఆడియో ఫంక్ష‌న్ కు దాస‌రి ముఖ్యఅతిధిగా హాజ‌ర‌య్యారు.

ఈ వేడుక‌లో దాస‌రి మాట్లాడుతూ...ద‌స‌రా రోజు రిలీజైన మూడు చిన్న సినిమాలు మంచి క‌లెక్ష‌న్స్ సాధిస్తున్నాయి. చిన్న సినిమా విజ‌యం సాధిస్తే ఇండ‌స్ట్రీకి పండ‌గే. చిన్న సినిమా అని బ‌డ్జెట్ చూసి అంటున్నాం. కానీ..అది హిట్ అయితే పెద్ద సినిమానే.ఈరోజు పెద్ద సినిమాల‌కు ఎలాంటి లాభాలు ఉండ‌డం లేదు అన్నారు. దాస‌రి చెప్పింది నిజ‌మే. అయితే దాస‌రి పెద్ద సినిమాకి లాభాలు రావ‌డం లేదంటూ ప‌రోక్షంగా బ్రూస్ లీ గురించి చెప్ప‌క‌నే చెప్ప‌డం విశేషం.