1998లో విడుద‌లైన 'గ్రీకువీరుడు' చిత్రంతో క‌థానాయ‌కుడిగా ప‌రిచ‌యమ‌య్యాడు ద‌ర్శ‌క‌ర‌త్న దాస‌రి నారాయ‌ణ‌రావు త‌న‌యుడు దాస‌రి అరుణ్ కుమార్‌. ఆ చిత్రం ఆశించిన విజ‌యం సాధించ‌లేదు. ఆ త‌రువాత మ‌రికొన్ని సినిమాల్లో హీరోగా న‌టించినా అదే ప‌రిస్థితి. కొన్ని చిత్రాల్లో క్యారెక్ట‌ర్ రోల్స్ చేశాడు కూడా.
కొద్ది కాలం విరామం త‌రువాత దాస‌రి అరుణ్ విల‌న్‌గా న‌టించేందుకు రంగం సిద్ధ‌మైంది. మెగా ఫ్యామిలీకి చెందిన యువ క‌థానాయ‌కుడు అల్లు శిరీష్ హీరోగా న‌టించే కొత్త చిత్రంలో అరుణ్ ప్ర‌తినాయ‌కుడిగా న‌టించ‌నున్నాడ‌ని వార్త‌లు వినిపిస్తున్నాయి. 'ఎక్క‌డికి పోతావు చిన్న‌వాడా' ఫేమ్ వి.ఐ.ఆనంద్ ద‌ర్శ‌క‌త్వంలో ఈ చిత్రం రూపొంద‌నుంది. సైంటిఫిక్ థ్రిల్ల‌ర్‌గా సినిమా తెరకెక్క‌నుంది. శ్రీర‌స్తు శుభ‌మ‌స్తు సినిమా త‌ర్వాత శిరీష్ చేస్తోన్న సినిమా ఇది. పూర్తి వివ‌రాలు త్వ‌ర‌లోనే అధికార‌కంగా వెల్ల‌డి కానున్నాయి.