டார்லிங் 2' ரிலீஸ் தேதி அறிவிப்பு
- IndiaGlitz, [Wednesday,February 24 2016]
ஜி.வி.பிரகாஷ் ஹீரோவாக அறிமுகமான 'டார்லிங்' திரைப்படம் ரசிகர்களின் மாபெரும் வரவேற்பை பெற்ற நிலையில் அந்த படத்தை தயாரித்த ஸ்டுடியோக்ரீன் நிறுவனம் இந்த படத்தின் இரண்டாம் பாகத்தை தயாரித்து வந்தது.
'கபாலி' இயக்குனர் ரஞ்சித் இயக்கிய 'மெட்ராஸ்' படத்தில் முக்கிய வேடத்தில் நடித்த கலையரசன் ஹீரோவாக நடிக்கும் இந்த படத்தில் ரமேஷ்ராஜா, மாயா, காளிவெங்கட், உள்பட பலர் நடித்துள்ளனர்.
முதல்பாகம் போலவே திகில் மற்றும் சஸ்பென்ஸ் கலந்த இந்த படத்தை சதீஷ் சந்திரசேகரன் என்ற அறிமுக இயக்குனர் இயக்கியுள்ளார். இந்த படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் இறுதிக்கட்டத்தை எட்டியுள்ள நிலையில் இந்த படத்தின் ரிலீஸ் தேதி தற்போது அதிகாரபூர்வமாக அறிவிக்கப்பட்டுள்ளது. இந்த படம் வரும் மார்ச் மாதம் 18ஆம் தேதி ரிலீஸ் ஆகிறது. ரிலீஸ் தேதியுடன் கூடிய போஸ்டரும் இன்று இணையதளத்தில் வெளியாகியுள்ளது என்பது குறிப்பிடத்தக்கது.