ரஜினியின் 'தர்பார்' திரைப்படத்தின் புதிய ரிலீஸ் தேதி!
- IndiaGlitz, [Friday,December 27 2019]
சூப்பர் ஸ்டார் ரஜினிகாந்த் மற்றும் லேடி சூப்பர் ஸ்டார் நயன்தாரா நடிப்பில் இயக்குனர் ஏஆர் முருகதாஸ் இயக்கத்தில் உருவாகியுள்ள ‘தர்பார்’ திரைப்படம் வரும் ஜனவரி 9ஆம் தேதி வெளியாகும் என ஏற்கனவே அதிகாரபூர்வமாக அறிவிக்கப்பட்டுள்ளது. இதனையடுத்து இந்த படத்தின் போஸ்ட் புரொடக்ஷன் பணிகள் நிறைவடையும் நிலையில் இருப்பதாகவும் இன்னும் ஓரிரு நாட்களில் இந்த படம் சென்சாருக்கு செல்லும் என்றும் எதிர்பார்க்கப்படுகிறது.
இந்த நிலையில் இந்த படத்தின் அனைத்து ரிலீஸ் உரிமைகளின் வியாபாரமும் கிட்டத்தட்ட முடிந்து விட்டதாகவும் ஜனவரி 9ஆம் தேதி இந்தியா மட்டுமின்றி உலகம் முழுவதும் இந்த படத்தை ரிலீஸ் செய்ய அனைத்து ஏற்பாடுகளும் மும்முரமாக நடந்து கொண்டிருப்பதாகவும் செய்திகள் வெளியாகி வருகின்றன
இந்த நிலையில் தர்பார் திரைப்படம் ரிலீஸ்க்கு முந்தைய நாள் அதாவது ஜனவரி 8ஆம்தேதி அமெரிக்காவில் பிரீமியர் காட்சி திரையிட இருப்பதாக தகவல்கள் வெளிவந்துள்ளது எனவே அமெரிக்காவில் உள்ளவர்கள் இந்த படத்தை ஜனவரி 8ஆம் தேதியை பார்த்து ரசிப்பார்கள் என்பது என்பது குறிப்பிடத்தக்கது.
ரஜினிகாந்த், நயன்தாரா, சுனில் ஷெட்டி, நிவேதா தாமஸ், யோகிபாபு, தம்பி ராமையா, ஸ்ரீமான், உள்பட பலர் நடித்துள்ள இந்த படத்திற்கு அனிருத் இசையமைத்துள்ளார். லைகாவின் தயாரிப்பில் உருவாகியுள்ள இந்த படத்திற்கு சந்தோஷ் சிவன் ஒளிப்பதிவும், ஸ்ரீகர் பிரசாத் படத்தொகுப்பு பணியும் செய்துள்ளனர்.