சூப்பர் ஸ்டார் ரஜினிகாந்த் நடித்த ’தர்பார்’ திரைப்படம் கடந்த 9ஆம் தேதி வெளியான நிலையில் இந்த படம் கடந்த நான்கு நாட்களில் 128 ரூபாய் வசூல் செய்து அனைவரையும் ஆச்சரியப்படுத்தி உள்ளது. இருப்பினும் ஒருசில நெகடிவ் விமர்சனங்கள் மற்றும் இந்த படத்தை ஓட விடாமல் செய்ய வாட்ஸ் அப் உள்ளிட்ட சமூக வலைதளங்களில் இந்த படத்தை ஒளிபரப்ப இருப்பதாக மிரட்டல்கள் ஆகியவை வெளிவந்து கொண்டிருக்கின்றன. இது குறித்து போலீஸ் புகார் ஒன்று லைக்கா நிறுவனத்தின் சார்பில் அளிக்கப்பட்டுள்ளது என்பது குறிப்பிடத்தக்கது

இந்த நிலையில் தற்போது மதுரையில் உள்ள ஒரு லோக்கல் கேபிள் டிவி சேனலில் ‘தர்பார்’ திரைப்படத்தை ஒளிபரப்பி இருப்பதாக ரஜினி மக்கள் மன்றத்தினர் கண்டுபிடித்து காவல்துறையில் புகார் அளித்துள்ளனர். ‘தர்பார்’ திரைப்படம் வெளியாகி நான்கு நாட்களே ஆகியுள்ள நிலையில் கேபிள் டிவி படத்தை ஒளிபரப்பியவர் மீது தகுந்த நடவடிக்கை எடுக்க வேண்டும் என ரஜினி ரசிகர்கள் கோரிக்கை விடுத்துள்ளனர். இதுகுறித்து போலீசார் என்ன நடவடிக்கை எடுக்கப் போகிறார்கள் என்பதை பொறுத்திருந்துதான் பார்க்க வேண்டும்