சூப்பர் ஸ்டார் ரஜினிகாந்த் நடித்த ’தர்பார்’ திரைப்படத்தின் இசை வெளியீட்டு விழா இன்று மாலை சென்னையில் நடைபெற உள்ளது. திரையுலக பிரபலங்கள் பலர் கலந்து கொள்ளும் இந்த விழாவில் இந்த படத்தின் ரிலீஸ் தேதியும் அறிவிக்கப்பட வாய்ப்பு இருப்பதாக கூறப்படுகிறது. இந்த படம் வரும் பொங்கல் விருந்தாக ஜனவரி 9ஆம் தேதி ரிலீஸாக வாய்ப்பு இருப்பதாக படக்குழுவினர்களிடமிருந்து செய்திகள் கசிந்துள்ளது.

இந்த நிலையில் ரஜினியின் ’தர்பார்’ திரைப்படமும் தனுஷின் ‘பட்டாஸ்’ திரைப்படமும் ஒரே நாளில் அதாவது பொங்கல் தினத்தில் வெளியாக வாய்ப்பு இருப்பதாக ஒரு சில ஊடகங்களில் செய்தி வெளியானது. இந்த செய்தியை பட்டாஸ் படக்குழுவினர் உறுதி செய்யவில்லை என்பது குறிப்பிடத்தக்கது.

இந்த நிலையில் தற்போது கிடைத்துள்ள தகவலின்படி ரஜினியின் ’தர்பார்’ திரைப்படம் ஜனவரி 9ஆம் தேதி பொங்கல் விருந்தாகவும், அதற்கு அடுத்த வாரம் அதாவது ஜனவரி 16ஆம் தேதியும் பட்டாஸ் திரைப்படமும் வெளிவர இருப்பதாக கூறப்படுகிறது. இந்த இரு படங்களின் ரிலீஸ் குறித்த அதிகாரபூர்வ அறிவிப்பை இரு படங்களின் குழுவினர் விரைவில் அதிகாரப்பூர்வமாக அறிவிக்க உள்ளனர் என்பது குறிப்பிடத்தக்கது.