'தர்பார்' பட நடிகைக்கு திருமணம்: ஒரு ஆண்டாக லிவிங் டுகெதரில் வாழ்ந்தவர்!
- IndiaGlitz, [Monday,February 15 2021]
சூப்பர் ஸ்டார் ரஜினிகாந்த் நடித்த 'தர்பார்’ படத்தில் முக்கிய கேரக்டரில் நடித்த நடிகைக்கு சமீபத்தில் திருமணம் நடந்துள்ளது. இவர் கடந்த ஓராண்டுக்கும் மேலாக தனது காதலருடன் லிவிங்டுகெதர் முறையில் வாழ்ந்து வந்தார் என்பது குறிப்பிடத்தக்கது.
'தர்பார்’ படத்தில் சூப்பர் ஸ்டார் ரஜினிகாந்த் போலீஸ் கேரக்டரில் நடித்திருந்த நிலையில் அவருடன் காவல்துறை அதிகாரியாக நடித்தவர் நடிகை ஷமதா அஞ்சான். இந்த நிலையில் இவர் தனது காதலர் கவுரவ் வர்மா என்பவருடன் கடந்த ஒரு ஆண்டுக்கும் மேலாக லிவிங் டுகெதர் முறையில் வாழ்ந்து வந்தார். இந்த நிலையில் தற்போது இருவருக்கும் இடையே ஒருமித்த கருத்து ஏற்பட்டுள்ளதை அடுத்து திருமணம் செய்து கொண்டதாக தெரிவித்துள்ளார்.
இவர் தன்னுடைய திருமண புகைப்படங்களை தனது இன்ஸ்டாகிராம் பக்கத்தில் பதிவு செய்துள்ள நிலையில் அந்த புகைப்படங்கள் தற்போது வைரலாகி வருகிறது என்பது குறிப்பிடத்தக்கது.
பிரபல தொலைக்காட்சி நடிகையான ஷமதா அஞ்சான், ‘தர்பார்’ படத்தில் ரஜினியுடன் சுமார் 40 நாட்கள் நடித்து இருந்தார் என்பதும் ரஜினியுடன் நடித்த ஒவ்வொரு நாளும் தனக்கு மறக்க முடியாத நாளாக இருந்தது என்று ஏற்கனவே அவர் பேட்டி ஒன்றில் தெரிவித்திருந்தார் என்பதும் குறிப்பிடத்தக்கது.