உதயநிதியின் அடுத்த படத்தில் 'பைரவா' வில்லன்
- IndiaGlitz, [Tuesday,September 20 2016]
ஸ்ரீதேனாண்டாள் பிலிம்ஸ் தயாரிப்பில் உதயநிதி ஸ்டாலின் நடிக்கும் புதிய படத்தின் பூஜை நேற்று நடந்த நிலையில் 'தூங்கா நகரம்' கவுரவ் இயக்கும் படம் ஒன்றிலும் அவர் நடிக்கவுள்ளார் என்பது தெரிந்ததே.
உதயநிதி, மஞ்சிமா மோகன் நடிக்கும் இந்த படத்தில் வில்லனாக நடிக்க டேனியல் பாலாஜி ஒப்பந்தம் செய்யப்பட்டுள்ளார். சமீபத்தில் இளையதளபதி விஜய்யின் 'பைரவா' படத்தின் படப்பிடிப்பை முடித்த டேனியல் இம்மாத இறுதியில் உதயநிதி படத்தின் படப்பிடிப்பில் கலந்து கொள்வார் என்று எதிர்பார்க்கப்படுகிறது.
'தூங்கா நகரம்' போலவே த்ரில் படமாக உருவாகவுள்ள இந்த படத்தில் டேனியல் பாலாஜியின் கேரக்டர் மிகவும் முக்கியமானது என்று படக்குழுவினர் தெரிவித்துள்ளனர். இந்த படத்திற்கு அரவிந்த் சிங் ஒளிப்பதிவாளராக பணியாற்றி வருகிறார்.