19 வயது இளம் நடிகை மர்ம மரணம்.. பிரபல நடிகருக்கு மகளாக நடித்தவர்..!
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
பிரபல நடிகருக்கு மகளாக நடித்த 19 வயது நடிகை திடீரென மரணம் அடைந்ததை அடுத்து திரையுலகம் அதிர்ச்சி அடைந்துள்ளது.
பிரபல பாலிவுட் நடிகர் அமீர்கான் நடிப்பில் 2016 ஆம் ஆண்டு வெளியான திரைப்படம் ’டங்கல்’. இந்தி, தமிழ் உள்பட பல மொழிகளில் வெளியான இந்த படம் மிகப்பெரிய வசூல் சாதனையை செய்தது என்பது குறிப்பிடத்தக்கது
ஒலிம்பிக்கில் பங்கேற்ற முதல் இந்திய மல்யுத்த வீராங்கனையான கீதா போகத் மற்றும் அவரது சகோதரி பபிதா குமாரி ஆகியோர்களின் வாழ்க்கை வரலாறு தான் ‘டங்கல்’ படம்.
இந்த படத்தில் கீதா போகத் கேரக்டரில் நடிகை ஃபாத்திமா சனாவும், பபிதா குமாரி கேரக்டரில் சான்யா மல்ஹோத்ராவும் நடித்திருந்தனர். மேலும் சின்ன வயது பபிதா கேரக்டரில் சுஹானி நடித்திருந்த நிலையில் ‘டங்கல்’ படத்தில் நடித்த சுஹானி இன்று காலை காலமானார்.
‘டங்கல்’ படத்தில் சுஹானி நடிக்கும்போது அவரது வயது 11 தான், அதன் பிறகு படிப்புக்காக அவர் நடிப்பை துறந்த நிலையில் சமீப காலமாக இந்தி சீரியல்களில் நடித்து வந்தார்.
19 வயது நிரம்பிய சுஹானி டெல்லி அருகே உள்ள பரிதாபாத் நகரில் வசித்து வந்த நிலையில் இன்று காலை அவர் திடீரென காலமானார். அவருக்கு திடீரென உடல்நிலை பாதிக்கப்பட்டதாகவும் இதை அடுத்த டெல்லி அருகே மருத்துவமனையில் பாதிக்கப்பட்ட நிலையில் இன்று அவர் காலமானார் என்றும் தெரிகிறது.
கடந்த ஆண்டு நடந்த விபத்தில் சுஹானிக்கு கால் முறிவு ஏற்பட்ட நிலையில் அதற்காக சுஹானி தொடர்ந்து சிகிச்சை பெற்றதாகவும் தொடர் சிகிச்சையில் உட்கொண்ட மருந்து மாத்திரை காரணமாக அவருக்கு பக்க விளைவு ஏற்பட்டதாகவும் கூறப்படுகிறது. இதனால் உடலில் இருந்து நீர் வெளியேறாமல் அவரது உடல் மோசமானதாகவும் இதை தொடர்ந்து அவர் எய்ம்ஸ் மருத்துவமனையில் அனுமதிக்கப்பட்டு சிகிச்சை பெற்ற நிலையில் சிகிச்சை பலனின்றி இன்று அவர் உயிரிழந்தார்.
நடிகை சுஹானி மறைவை அடுத்து அமீர்கான் மற்றும் ‘டங்கல்’ படக்குழுவினர் ஆழ்ந்த இரங்கல் தெரிவித்துள்ளனர்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments