15న దండు విడుదల
- IndiaGlitz, [Saturday,July 09 2016]
య‌శ‌స్విని ఎంట‌ర్ టైన్మెంట్స్ బ్యానర్ పై మంగ‌మూరి శేష‌గిరి రావు స‌మ‌ర్ప‌ణ‌లో సంజీవ్ మేగోటి స్వీయ ద‌ర్శ‌క‌త్వంలో తెలుగు, క‌న్న‌డ భాష‌ల్లో రూపొందిన చిత్రం దండు. ఈ చిత్రంలో నీర‌జ్ శ్యామ్, సాయికుమార్, నేహా స‌క్సేనా, దిశా, ర‌ఘుబాబు, ఢిల్లీ రాజేశ్వ‌రి, తుల‌సి త‌దిత‌రులు న‌టించారు. హై ఓల్టేజ్ యాక్ష‌న్ మూవీగా రూపొందిన దండు చిత్రాన్ని ఈనెల 15న రిలీజ్ చేయ‌నున్నారు. ఆదోని ప్రాంతంలో యదార్ధ సంఘ‌ట‌న ఆధారంగా రూపొందిన ఈ చిత్రంలో ఏడు ఫైట్స్ ఉన్నాయి.
ఈ ఫైట్స్ లో రైన్ ఫైట్, సాయికుమార్ తో ప‌దివేల స‌మాధుల మ‌ధ్య చిత్రీక‌రించిన ఫైట్, ఆదోనిలో జనాల మ‌ధ్య చిత్రీక‌రించిన మార్కెట్ ఫైట్ ఈ చిత్రానికి హైలెట్ గా నిలుస్తాయి. దండు క‌ట్టి ఢీ కొడితే కొండ నైనా పిండి చేయ‌చ్చు అనే కాన్సెప్ట్ తో రూపొందిన దండు చిత్రం క‌న్న‌డంలో వంద రోజులు విజ‌యవంతంగా ప్ర‌ద‌ర్శింప‌బ‌డింది. తెలుగులో స్ట్రైయిట్ మూవీలా రిలీజ్ అవుతున్న దండు చిత్రం ద్వారా దాదాపు వంద మంది నూత‌న‌న‌టీన‌టులు ప‌రిచ‌యం అవుతున్నారు.ఈ చిత్రం క‌న్న‌డ కంటే తెలుగులో పెద్ద విజ‌యాన్ని సాధిస్తుంద‌ని ఆశిస్తున్నాం అని చిత్ర ద‌ర్శ‌క‌నిర్మాత‌లు తెలియ‌చేసారు.
ఈ చిత్రానికి ఫోటోగ్ర‌ఫీ - హ‌రీష్ ఎస్.ఎన్, ఫైట్స్ - స‌తీష్, థ్రిల్ల‌ర్ మంజు, శివ, పాట‌లు - పోతుల ర‌వికిర‌ణ్, విఘ్న‌ర‌ఫి, విఠ‌ల్, మ‌ల్లిఖార్జున, స్వ‌ర్ణ, రామ‌కృష్ణ, ఎడిటింగ్ - శార్యాణి శివ, వెంక‌టేష్, అర్చ‌నా ఆనంద్, స‌హ నిర్మాత‌లు - మేగోటి ఉమా మ‌హేశ్వ‌రి, స‌త్య‌వ‌తి, ల‌వ‌రాజు, రాము, లండ‌న్ గ‌ణేష్, ర‌చ‌న, సంగీతం, స్ర్కీన్ ప్లే, దర్శకత్వం - సంజీవ్ మేగోటి.