சிம்பு நடித்த 'வந்தா ராஜாவாதான் வருவேன்' திரைப்படம் இன்று வெளியாகியுள்ளது. சிம்பு ரசிகர்கள் படத்தை ரசித்து பார்த்து பாசிட்டிவ் விமர்சனங்களை சமூக வலைத்தளங்களில் பதிவு செய்து வருகின்றனர்.

இந்த நிலையில் 'தனது பேனருக்கு பாலாபிஷேகம் செய்ய வேண்டாம் என்றும், அண்டா அண்டாவாக பாலாபிஷேகம் செய்யுங்கள் என்றும், அண்டாவில் பால் காய்ச்சி ரசிகர்களுக்கு கொடுங்கள் என்றும் மாறி மாறி வீடியோவில் சிம்பு பேசினார் என்பது தெரிந்ததே!

ஆனால் சிம்புவின் பெரும்பாலான ரசிகர்கள் இன்று திரையரங்குகள் முன் வைக்கப்பட்டிருந்த சிம்புவின் பேனர்களுக்கு பாலாபிஷேகம் செய்தனர். இந்த நிலையில் நடன இயக்குனர் ராபர்ட் இன்று 'வந்தா ராஜாவாதான் வருவேன்' படத்தை முதல் நாள் முதல் காட்சி பார்க்க வந்திருந்தார். அப்போது அவர் ரசிகர்களுடன் இணைந்து சிம்புவின் பேனர்களுக்கு பாலாபிஷேகம் செய்தார். இதுகுறித்த வீடியோ சமூக வலைத்தளங்களில் வைரலாகி வருகிறது.