பிரபல அரசியல் கட்சியில் இணைந்த டான்ஸ் மாஸ்டர் கலா!
- IndiaGlitz, [Friday,March 22 2019]
கடந்த சில நாட்களாக கோலிவுட் நட்சத்திரங்கள் பலர் அரசியல் கட்சியில் இணைந்து வருவதை பார்த்து கொண்டுதான் இருக்கின்றோம். கமல்ஹாசன் கட்சியில் கோவை சரளா, அதிமுகவில் ரவிமரியா, ஒய்.எஸ்.ஆர் கட்சியில் நடிகர் அலி, அமமுகவில் பாடகர் மனோ என ஒருசில நட்சத்திரங்கள் அரசியலில் குதித்தனர்
இந்த நிலையில் கடந்த பல வருடங்களாக தென்னிந்திய திரையுலகில் டான்ஸ் மாஸ்டராக இருந்து வரும் கலா, இன்று தினகரனின் அமமுகவில் இணைந்துள்ளார்.
இன்று அமமுக துணை பொதுச்செயலாளர் தினகரன் முன் அக்கட்சியில் தன்னை இணைத்து கொண்ட டான்ஸ் மாஸ்டர் கலா, 'பொதுவாக ஒரு இயக்கம், தலைவர் என்றால் அவர் நம் மனதிற்கு பிடித்தவராக இருக்க வேண்டும். அந்த வகையில் டிடிவி தினகரன் எனக்கு பிடித்த தலைவராக இருக்கிறார். அவரது செயல்பாடுகளும், அதில் வெளிப்படும் நேர்மைத்தன்மையும் என்னை கவர்ந்துவிட்டது. நான் 30 வருடங்களாக திரைத்துறையில் இருந்தவள். என்னிடம் ஒரு பொறுப்பு கொடுக்கப்பட்டால் அதை திறம்படச் செய்வேன்” என்று கூறியுள்ளார்.
வரும் தேர்தலில் அமமுகவை ஆதரித்து டான்ஸ் மாஸ்டர் கலா பிரச்சாரம் செய்வார் என எதிர்பார்க்கப்படுகிறது