கமல்ஹாசனுக்கு எதிராக தெருத்தெருவாக பிரச்சாரம் செய்யும் கலா மாஸ்டர்! வைரல் புகைப்படங்கள்!
- IndiaGlitz, [Friday,March 19 2021]
உலகநாயகன் கமல்ஹாசன் அவர்கள் அரசியல் கட்சியைத் தொடங்கி முதல் முதலாக தேர்தல் களத்தில் இறங்கி உள்ளார். அவர் கோவை தெற்கு தொகுதியில் போட்டியிடுகிறார் என்பதும் அவரை எதிர்த்து பாஜக பிரமுகர் வானதி சீனிவாசன் போட்டியிடுகிறார் என்பதும் குறிப்பிடத்தக்கது
இருவரும் சமீபத்தில் வேட்புமனுவை தாக்கல் செய்துவிட்டு தீவிரமாக பிரசாரம் செய்து வருகின்றனர். இந்த நிலையில் சமீபத்தில் பாஜகவில் இணைந்த டான்ஸ் மாஸ்டர் கலா, பாஜக வேட்பாளர் வானதி சீனிவாசன் அவர்களுக்காக பிரச்சாரத்தை தொடங்கி உள்ளார்
முதன்முதலாக தேர்தல் பிரச்சாரம் செய்வதாகவும் எங்களுடைய வெற்றி வேட்பாளர் வானதி ஸ்ரீனிவாசனுக்கு ஆதரவாக தொகுதி முழுவதும் பிரச்சாரம் செய்வதாகவும் அவர் புகைப்படங்களுடன் கூடிய தகவலை தனது இன்ஸ்டாகிராமில் பதிவு செய்துள்ளார்
இந்த தொகுதியில் வெற்றி பெற்றே தீர வேண்டும் என்பதற்காக தெருத்தெருவாக வானதி சீனிவாசன் நடந்தே சென்று பிரசாரம் செய்து வரும் நிலையில், அவருடன் கலா மாஸ்டரும் நடந்தே சென்று பிரசாரம் செய்து வருகிறார். நாங்கள் பிரச்சாரம் செய்யும் இடங்களில் எல்லாம் மிகப் பெரிய வரவேற்பு எங்களுக்கு கிடைத்து வருகிறது என்றும் அதனால் நாங்கள் இந்த தொகுதியில் வெற்றி பெற்று விடுவோம் என்றும் கலா மாஸ்டர் குறிப்பிட்டுள்ளார்.