அஜித் எனது ஸ்டுடண்ட் என்பதில் எனக்கு பெருமை. பிரபல டான்ஸ் மாஸ்டர்
- IndiaGlitz, [Wednesday,November 30 2016]
தல என்று அனைவராலும் அழைக்கப்படும் அஜித் ஒரு சிறந்த நடிகர் மட்டுமின்றி மிகச்சிறந்த மனித நேயம் மிக்கவர் என்பது அனைவரும் அறிந்ததே. தன்னை விட வயதில் சிறியவர்களாக இருந்தாலும் அவர்களுக்கு உரிய மரியாதை கொடுப்பதில் அவர் எப்போதுமே தலதான்.
தன்னைவிட சிறியவர்களுக்கே மரியாதை கொடுக்கும்போது தனக்கு கலை சொல்லி கொடுக்கும் குருவுக்கு அவருடைய மரியாதை எப்படி இருக்கும்? இதுகுறித்து சமீபத்தில் தொலைக்காட்சி நிகழ்ச்சி ஒன்றில் பிரபல டான்ஸ் மாஸ்டர் கலா கூறியுள்ளார்.
அஜித் உங்களுக்கெல்லாம் ஹீரோவாக இருக்கலாம். ஆனால் அவர் என்னுடைய ஸ்டூடண்ட் என்பதில் எனக்கு ரொம்ப பெருமை. எந்த வருடம் எந்த மாதம் என்பது எனக்கு ஞாபகமில்லை. ஒரு வியாழக்கிழமை தினத்தில் அஜித் என்னுடைய வீட்டிற்கு வந்து என்னை நமஸ்காரம் செய்து என்னிடம் டான்ஸ் கற்று கொண்டார். அதன்பின்னர் நீண்ட இடைவேளைக்கு பின்னர் அவரை ஒரு வேஷ்டி விளம்பர படப்பிடிப்பின்போது பார்த்தேன். சுமார் இரண்டு மணி நேரம் அவரிடம் மனம் விட்டு பேசினேன். அஜித்திடம் ஒரு ஐந்து நிமிடம் பேசினாலே மனம் அந்த அளவுக்கு நிம்மதி அடையும்' என்று கூறியுள்ளார்.