மின் ஊழியர்களுக்கு தினமும் 3 நாள் சம்பளம்: தமிழக அரசு அதிரடி
- IndiaGlitz, [Wednesday,November 21 2018]
கஜா புயலால் ஏற்பட்ட பாதிப்புகளில் மிகப்பெரியதாக கருதப்படுவது லட்சக்கணக்கான மின் கம்பங்கள், டிரான்ஸ்பர்கள் சாய்ந்ததுதான். இந்த பணிகளை சீரமைப்பது என்பது மின்சார துறைக்கு மிகப்பெரிய சவாலாக உள்ளது.
கஜா புயல் கரையை கடந்து ஒருவாரம் ஆகிவிட்ட நிலையிலும் இன்னும் பல இடங்களின் மின்சாரம் இன்றி இருளில் உள்ளது. இருப்பினும் மின் துறை ஊழியர்கள் இரவுபகலாக மின்கம்பங்களை சீரமைத்து வருகின்றனர். இதனால் டெல்டா பகுதியில் விரைவில் மின் இணைப்பு கொடுக்கப்படும் என கூறப்படுகிறது.
இந்த நிலையில் கஜா புயலால் பாதிக்கப்பட்ட பகுதிகளில் பணியாற்றும் மின் ஊழியர்களுக்கு நாள் ஒன்றுக்கு 3 நாள் சம்பளம் வழங்கப்படும் என தமிழ்நாடு மின்வாரியம் அதிரடி அறிவிப்பு ஒன்றை செய்துள்ளது. இந்த அறிவிப்பு மின்வாரிய ஊழியர்களுக்கு ஊக்கமளிப்பதாக உள்ளது.