ரஜினிகாந்துக்கு தாதா சாகேப் பால்கே வழங்குவது எப்போது? தேதி அறிவிப்பு
- IndiaGlitz, [Wednesday,October 20 2021]
சூப்பர் ஸ்டார் ரஜினிகாந்த் அவர்களுக்கு கடந்த ஏப்ரல் மாதம் தாதா சாகேப் பால்கே விருது அறிவிக்கப்பட்டது என்பதும், மத்திய அமைச்சர் பிரகாஷ் ஜவடேகர் அவர்கள் இந்த அறிவிப்பை வெளியிட்டு இருந்தார் என்பதையும் ஏற்கனவே பார்த்தோம். இதனை அடுத்து அப்போதைய தமிழக முதல்வர் எடப்பாடி பழனிசாமி, தற்போதைய முதல்வர் முக ஸ்டாலின் உள்ளிட்டோர் அவருக்கு வாழ்த்து தெரிவித்தனர்.
இந்த நிலையில் ரஜினி அவர்களுக்கு அறிவிக்கப்பட்ட தாதா சாகிப் பால்கே விருது எப்போது வழங்கப்படும் என்ற தகவல் சற்றுமுன் வெளியாகியுள்ளது. வரும் 25-ஆம் தேதி தேசிய திரைப்பட விருது வழங்கும் விழா டெல்லியில் நடைபெற உள்ளது.
இந்த விழாவின்போது ரஜினிகாந்த் அவர்களுக்கு தாதாசாகிப் பால்கே விருது வழங்கப்பட உள்ளதாகவும் ரஜினிகாந்த் அவர்களுக்கு குடியரசுத் தலைவர் ராம்நாத் கோவிந்த் அவர்கள் தாதா சாகே பால்கே விருதினை வழங்க அதிக வாய்ப்புள்ளதாகவும் கூறப்படுகிறது.