கவின் நடித்த ’டாடா’ என்ற வெற்றி படத்தை தயாரித்த ஒலிம்பியா மூவிஸ் நிறுவனம் தயாரிக்கும் அடுத்த திரைப்படத்தில் அதர்வா நடிக்க இருப்பதாகவும் இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

கவின் நடித்த ’டாடா’ திரைப்படம் அவருக்கு மிகப்பெரிய திருப்புமுனையை கொடுத்தது என்பதும் இந்த படத்தின் வெற்றி காரணமாக தற்போது அவர் ஒரே நேரத்தில் மூன்று படங்களில் நடித்துக் கொண்டிருக்கிறார் என்பதும் குறிப்பிடத்தக்கது.

இந்த நிலையில் கவினுக்கு திரையுலக வாழ்வில் திருப்புமுனையை கொடுத்த ஒலிம்பியா பிக்சர்ஸ் நிறுவனம் தற்போது அடுத்ததாக அதர்வா நடிக்கும் படத்தை தயாரிக்க உள்ளதாக கூறப்படுகிறது.

இந்த படத்தை நெல்சன் வெங்கடேசன் இயக்க இருப்பதாகவும் தகவல் வெளியாகி உள்ளன. இவர் ஏற்கனவே ’ஒரு நாள் கூத்து’ ’மான்ஸ்டர்’ மற்றும் ’பர்ஹானா’ உள்ளிட்ட திரைப் படங்களை இயக்கி உள்ளார்.

இந்த படத்தின் படப்பிடிப்பு நாளை முதல் தொடங்க இருப்பதாகவும் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு நாளை வெளியாக வாய்ப்பு இருப்பதாகவும் கூறப்படுகிறது.

நடிகர் அதர்வா ஏற்கனவே ’நிறங்கள் மூன்று’ உள்பட 3 திரைப்படங்களில் நடித்துக் கொண்டிருக்கிறார் என்பது குறிப்பிடத்தக்கது.