అమితాబ్‌కు దాదా సాహెబ్ ఫాల్కే పురస్కారం..
- IndiaGlitz, [Tuesday,September 24 2019]
బాలీవుడ్ షెహెన్‌షా, భారతదేశం గర్వించదగ్గ నటుడు అమితాబ్ బచ్చన్‌‌‌ను మరో అత్యున్నత పురస్కారం వరించింది. కేంద్ర ప్రభుత్వం బిగ్‌బీని దేశ సినిమా రంగంలోనే అత్యున్నత అవార్డు దాదా సాహెబ్ ఫాల్కే అవార్డుకు ఎంపిక చేసింది. జ్యూరీ ఈ అవార్డుకు అమితాబ్‌ను ఏకగ్రీవంగా ఎన్నుకున్నట్లు కేంద్ర సమాచార శాఖ మంత్రి ప్రకాష్ జవదేకర్ ట్వీట్ చేసారు.
యావత్ భారతావనికే కాకుండా అంతర్జాతీయ సమాజం కూడా సంతోషపడే విషయమని.. ఈ సందర్భంగా కేంద్ర మంత్రి ట్విట్టర్ వేదికగా పేర్కొన్నారు. అమితాబ్ బచ్చన్‌కు ప్రకాష్ హృదయపూర్వక శుభాభినందనలు తెలిపారు.