'దబాంగ్ 3' ప్రారంభమైంది
- IndiaGlitz, [Monday,April 01 2019]
సల్మాన్‌ఖాన్ కెరీర్‌లోని పెద్ద హిట్ సినిమాల్లో ఒకటైన ‘దబాంగ్’ చిత్రం సీక్వెల్ ‘దబాంగ్ 3’ షూటింగ్ ఆదివారం ఇండోర్‌లో ప్రారంభమైంది. ఈ సందర్భంగా సల్మాన్ ఖాన్, దర్శకుడు ప్రభుదేవాతో కలిసి ఉన్న ఫోటోను పోస్ట్ చేశారు. సినిమా విశ్లేషకుడు తరణ్ ఆదర్శ్ తొలి షాట్‌కి క్లాప్ నిచ్చారు. ఈ సినిమా కోసం సల్లూభాయ్ బాగానే కష్టపడుతున్నారు. అందులో భాగంగా వీరి తాతగారు పోలీసుగా పని చేసిన ఆయా ప్రాంతాలను చుట్టిరానున్నారు.
ఈ మధ్యే ‘దబాంగ్ 3’ కోసం సల్మాన్ ఏస్ కొరియాగ్రాఫర్ సరోజ్‌ఖాన్‌ని? కలిశారు. 2010లో అభినవ్ కశ్యప్ దర్శకత్వంలో ‘దబాంగ్’ చిత్రం రాగా అది బాక్సాఫీస్ దగ్గర కలెక్షన్ల సునామీ సృష్టించింది. యాక్టర్ కమ్ ప్రొడ్యూసర్ అయిన అర్బజ్‌ఖాన్ దానికి సీక్వెల్‌గా ‘దబాంగ్ 2’ తీశాడు. అది కూడా మంచి కలెక్షన్లు రాబట్టింది. మరి ప్రభుదేవా దర్శకత్వంలో వస్తున్న ‘దబాంగ్ 3’ చిత్రంతో రికార్డులు బద్దలు కొడతాడేమో చూడాలి. ‘దబాంగ్ 3’ ఈ ఏడాది డిసెంబర్‌లో విడుదల కానుంది.