బాలీవుడ్ సూపర్ స్టార్స్‌లో ఒకరైన సల్మాన్ ఖాన్ త్వరలోనే తెలుగు ప్రేక్షకులను తన సినిమాతో పలకరించబోతున్నారు. అదేంటి? ఆయన నటిస్తున్న తెలుగు సినిమా ఏది? అని అనుకునేరు. ఆయన ప్రస్తుతం నటిస్తున్న చిత్రం `దబంగ్ 3`ని హిందీతో పాటు తెలుగు, తమిళ, కన్నడ భాషల్లో విడుదల చేయడానికి సన్నాహాలు చేసుకుంటున్నారని సమాచారం. తెలుగులో ఈ చిత్రాన్ని సురేష్ ప్రొడక్షన్స్ బ్యానర్‌పై విడుదల చేస్తున్నారని సమాచారం. సోనాక్షిసిన్హా హీరోయిన్‌గా నటిస్తున్న ఈ చిత్రం ఇప్పటికే సగానికి పైగా షూటింగ్ పూర్తి చేసుకుంది. `వాంటెడ్` తర్వాత సల్మాన్, ప్రభుదేవా కాంబినేషన్‌లో రూపొందుతోన్న చిత్రం కావడంతో సినిమాపై భారీ అంచనాలున్నాయి. ఈ చిత్రాన్ని డిసెంబర్ 20న విడుదల చేయడానికి సన్నాహాలు చేస్తున్నారు నిర్మాతలు.

బుధ‌వారం `ద‌బంగ్ 3` సినిమా మోష‌న్ పోస్ట‌ర్‌ను చిత్ర యూనిట్ విడుద‌ల చేసింది. హిందీ, క‌న్న‌డ‌, తెలుగు, త‌మిళ భాష‌ల్లో మోష‌న్ పోస్ట‌ర్‌ను విడుద‌ల చేశారు. తెలుగు మోష‌న్ పోస్ట‌ర్ విష‌యానికి వ‌స్తే `ఆట‌కైనా వేట‌కైనా రెఢీ` అంటూ ప్ర‌భుదేవా చెప్పిన డైలాగ్‌తో మోష‌న్ పోస్ట‌ర్‌ను డిజైన్ చేశారు. ఈ చిత్రానికి తెలుగులో రామ్‌చ‌ర‌ణ్ డ‌బ్బింగ్ చెబుతున్నారు. మోష‌న్ పోస్ట‌ర్ గురించి రామ్‌చ‌ర‌ణ్ త‌న ఇన్‌స్టాగ్రామ్‌లో ప్ర‌స్తావించారు. ఇన్నేళ్ల త‌ర్వాత తొలిసారి స‌ల్మాన్‌ఖాన్ తెలుగులో చేస్తున్న ఈ ప్ర‌య‌త్నం ఏ మేర స‌క్సెస్ అవుతుందో తెలియాలంటే వేచి చూడాల్సిందే.