தனுஷ் நடித்த அசுரன் மட்டும் பட்டாஸ் ஆகிய திரைப்படங்கள் சமீபத்தில் வெளிவந்து மிகப் பெரிய வெற்றியைப் பெற்றது. இந்த நிலையில் கார்த்திக் சுப்புராஜ் இயக்கத்தில் உருவான சுருளி என்ற திரைப்படத்தில் நடித்து முடித்துள்ள தனுஷ், தற்போது மாரி செல்வராஜ் இயக்கத்தில் உருவாகிவரும் கர்ணன் என்ற படத்தில் நடித்து வருகிறார்.

இந்த நிலையில் சுருளி படத்தை தயாரித்த ஒய் நாட் ஸ்டூடியோஸ் நிறுவனம் தனது சமூக வலைத்தளத்தில் ’தனுஷின் 40வது படத்தின் கடைசி மூன்று நாள் படப்பிடிப்பு வரும் 6ஆம் தேதி நடைபெற உள்ளதாகவும், இதனை அடுத்து இந்த படத்தின் பர்ஸ்ட் லுக் ரிலீஸ் தேதி குறித்த தகவலை வரும் 9ஆம் தேதி வெளியிட இருப்பதாகவும் அறிவித்துள்ளது. இதனை அடுத்து 9ஆம் தேதியும் தனுஷ் ரசிகர்களுக்கு ஒரு சிறப்பான விருந்து காத்திருக்கின்றது என்பது குறிப்பிடத்தக்கது.

தனுஷ், சஞ்சனா, ஐஸ்வர்யா லட்சுமி, ஜேமஸ் காஸ்மோ, கலையரசன், உள்பட பலர் நடித்துள்ள ‘சுருளி’ திரைப்படத்திற்கு சந்தோஷ் நாராயணன் இசையமைத்து வருகிறார். ஸ்ரேயாஸ் கிருஷ்ணா ஒளிப்பதிவில் விவேக் ஹர்சன் படத்தொகுப்பில் இந்த படம் உருவாகியுள்ளது என்பது குறிப்பிடத்தக்கது.
 

#YNOT18 #D40

We are preping for the last 3 days of shoot starting on the 6th. We will announce the date of the #firstlook upon completion, which is on the 9th!#10YearsOfYNOT@dhanushkraja @sash041075 @karthiksubbaraj @Music_Santhosh @chakdyn @RelianceEnt @onlynikil

— Y Not Studios (@StudiosYNot) February 1, 2020