உலகம் முழுவதிலும் உள்ள தமிழர்கள் இன்று தமிழ்ப்புத்தாண்டு தினத்தை கொண்டாடி வரும் நிலையில் ரஜினிகாந்த், கமல்ஹாசன் உள்பட பல திரையுலக பிரபலங்கள் இன்று தமிழ்ப்புத்தாண்டு வாழ்த்துக்களை தெரிவித்து வருகின்றனர். அந்த வகையில் பிரபல இசையமைப்பாளர் டி.இமான், தளபதி விஜய் நடித்த ‘தமிழன்’ படத்தை குறிப்பிட்டு தனது தமிழ்ப்புத்தாண்டு வாழ்த்துக்களை தெரிவித்துள்ளார்.

கடந்த 2002ஆம் ஆண்டு தமிழ்ப்புத்தாண்டு தினத்தில் வெளியான திரைப்படம் ‘தமிழன்’. இந்த படத்தில் தான் டி.இமான் இசையமைப்பாளராக தமிழ் திரையுலகில் அறிமுகமானார் என்பதும் அப்போது அவருக்கு வெறும் 17 வயதுதான் என்பதும் குறிப்பிடத்தக்கது.

இந்த நிலையில் டி.இமான் தனது சமூக வலைத்தளத்தில், ‘இந்த ஆண்டு தமிழ் புத்தாண்டு ஒரு கடினமான சூழ்நிலையில் கொண்டாடுகிறோம். விரைவில் ஒரு நல்ல நாள வரும் என்று எதிர்பார்ப்போம். இந்த நாள் நான் இசையமைப்பாளராக அறிமுகமான முதல் படமான ’தமிழன்’ படம் ரிலீஸ் ஆன நாள். எனது 18 ஆண்டு திரை இசை பயணத்தில் ஒரு அங்கமாக இருந்த எனது இசை ஆர்வலர்கள் அனைவருக்கும் நன்றி’ என்று கூறியுள்ளார்.

It’s hard to wish one another in this difficult situation for Tamil New Year! Let’s spread positivity for a better tomorrow soon! On this day i thank all my music lovers who had been an integral part in my 18years of film music journey since my debut #Thamizhan
Praise God! pic.twitter.com/9kH398edn9

— D.IMMAN (@immancomposer) April 14, 2020